بالنسبة للاسم ، يعتمد على صياغتك لنفس المطعم .. أقصد هويته
مثلا إذا أنتي ناويته تخلينه مودرن أو كلاسيك أو لاكسري ..

مثلا المودرن ما ينفع معه الا أسامي حركية سريعة مثلا YUMMY يعني شي من هالقبيل.
مثلا الكلاسيك ممكن تختاري له أسامي إما من الثقافة الشرقية أو الغربية بس تكون كلاسيكية قديمة مثلا كليوبترا - بلقيس - تاج محل - شي له اسم كلاسيكي قديم و فيه فخامة شوي
مثلا الـ لاكسري ممكن يكون اسم حديث بس يوحي بالفخامة ما يحضرني شي بذهني ..

يعتمد على الهوية الي تبين تصيغينها لمطعمك نفسه ، حتى الوجبات تعتمد على هوية مطعمك الي تبين تصيغينها و إمكانياتك المادية .. ممكن إذا مودرن تكون وجبات برقر و سريعة و ما شابه من هالأمور ..

الكلاسيك ممكن تكون أكلات قديمة وفخمة

أول شي حددي كم راس مالك .. وحددي هوية المطعم الي تبينه .. بناءً على الهوية الي تبين الناس يعرفونها عن مطعمك بإمكانك تصيغي أمور كثيرة و تستبعدي أمور كثيرة ، مثلا تقولي بما أن المطعم أبيه يكون فخم ، ممكن نبتعد عن الوجبات السريعة من برقر و شاورما و من هالقبيل ..

و أنتي عاد قلبيها براسك و الله يوفقك ..

حتى الديكور يعتمد على الهوية .. أيش الهوية الي تبين الناس تعتقدها عن محلك ، هالشي راح يساهم بشكل كبير في هالموضوع .. زوري لك كذا مطعم و خوذي قلم و ورقة و أجلسي تأملي .. و ابحثي .. لا تستكثرين البحث و التحري و الدراسة إذا كنتي تبينه مشروع عمر لك ، أما إذا تبينه شغل مشي حالك ، فأفتحي لك تسالي عند مدرسة ثانوية ^_^