اقتباس:
المشاركة الأصلية كتبت بواسطة بانوراما الشرق
تحية طيبة لجميع الأعضاء......
ابتدا نبارك لمن تم قبوله من الزملاء والله يكتب اللي فيه الخير والصلاح لباقي الزملاء وان شاء الله يسمعوا الاخبار الي تسرهم وترضيهم واولا واخير الثقه التامه بان الخير فيما يكتبه الله
استباقا لبداية الدورة وحتى يكون الاستعداد جيد تكرما من الزملاء السابق تخرجهم مشاركتنا الموضوع والاجابه على الاستفسارات المطروحه ولهم جزير الشكر
س/1 ابتداء الدورة يعني كونك موظف تابع للقطاع العسكري والراتب المستحق يسجل في مصلحة التقاعد او مجرد دورة والتعين يتم بعد الانتهاء والراتب النازل يعتبر مكافأه مثل مكافأة الجامعه وهل تنزل بالحساب او تتأخر كم شهر؟
س2/ في ماسبق يتم تسجيل رغبات الطلاب بالتعيين على حسب المدينه هل تم اللغاء هذا الخيار واصبح بشكل عشوائي وبالأخص للشؤون الصحيه وهل في امكانيه النقل بعد التعيين او الموضوع فيه تعقيدات؟
س3/فترة الأربعين يوم الأولى كيف يتم توزيع الوقت والحصص الرياضيه وهل تشمل العاب كرة قدم الخ ؟ كمال اجسام وحديد؟ او اغلب الوقت تصليب تحت الشمس؟ هل في فترة راحه ونوم بالظهر؟ هل في نشاطات غير رياضيه؟ مختصر الكلام الوقت ثمين هل يتم الاستفاده منه بشكل مدروس وعلمي بحيث ما يكون في ملل ؟
س4/ ماهي المستلزمات اللتي يجب احظارها وماهي المحظورات.هل مسموح ادخال الكتب؟ هل مسموح ادخال العلاجات الطبيه؟ هل يتم تفتيش الشنط بشكل دقيق مثل المطارات او بشكل مبسط واذا تم ادخال شيء ممنوع مثل جوال هل يتم المعاقبه عليه تو مصادرته؟
هل يوجد صندوق امانات يتم وضع فيها الأشياء الثمنيه كالجوال او محفظة النقود واخذ مفتاح خاص الموضوع مهم للقادمين من خارج الرياض وليس لديهم أقارب بالرياض؟
هل يوجد مواقف سيارات امنه وخاصه بالكليه بالإمكان الاعتماد عليها ووضع المستلزمات الثمينه داخلها؟
متى يسمح بالاتصال الهاتفي اوالزيارة خلال الأربعين الأولى وهل تنتهي بنهاية دوام المدارس للاجازه الحج
فترة ما بعد الأربعين واجازة الحج العوده للمعسكر كيف يتم توزيع الوقت من جديد مابين الحصص الرياضيه والدراسه وهل المناهج فيها صعوبه او كما سمعنا جدا بسيطه وهل الدخول والخروج من المعسكر نهاية الأسبوع يتم فيه التفتيش او يسمح بعد ذلك بإدخال الكتب الخ
|
أولا ألف مبروك أخوي ع القبول أسئلتك جداً ممتازة وهي خلاصه الموضوع
الجامعيين دورتهم اسمها دورة تأهيل الضباط الجامعيين يعني انك داخل وانت ضابط لكن بالواقع غير ذلك من سنتين وجاي اصبح قرارك يصدر بعد انتهاء الدوره يعني سنه الدوره ماتحسب لك اقدميه وعلى قولتهم اسمك عندهم بالقلم الرصاص لأنك حتى بالاحوال المدنية باقي ما تحولت إلى عسكري الراتب يعتبر مكافأة قيمتها نص راتب الملازم الأساسي تنزل لك بشهر 2 وبعدين تستمر كل شهر براتبه التعيين انت تعرفه من التقديم وين بيحطونك وبأي وحده
الشؤون الصحيه مثل ماهو سابقا قبل التخرج باسبوع يجيكم ضابط من الطب الميداني يأخذون رغباتهم النقل مافيه تعقيد
فتره الأربعين أخذها مني اهتم في نفسيتك وكيف تقضي الأيام بسرعه الراحه مافيه ذيك الراحه لكن لما تشوف إخوانك الثانوية تقول ان حالتك ارحم عليك وأنا خوك بالصبر وحط في بالك انك ما دخلت الكليه إلا بعد جهد ومشقه فلازم تصبر ومن كلامك اعتقد انك فاهم الوضع أو لك أخ سابق النشاطات الرياضية المختلفة تجيك بعد الأربعين. بالفترة نفسها الرياضي ثابته الفجر هروله والمغرب فك عضلات كلش مسموح ماعدا الجوال والدخان الكتب الثقافية مسموحه ماعدا الكتب المشكوك في وضعها سياسيا الأدوية مسموحه ويكون فيه تفتيش دقيق معاقبه الجوال يصادر فقط لا مافيه صندوق أمانات بس فيه غرفه خاصه لك إذا انت جلي من برا جب معك جوال أبو كشاف وخله فداء للنجمة أو تقدر تخليه مع قائدهم وتأخذه معك وتطلعه بأول زيارته لكم المحفظة مسموحه بالدخول لكن لا تجيب مبلغ كبير
الاتصال مسموح بأي وقت عن طريق المدربين أو الضباط ما يقصرون معكم خصوصا أفراد وضباط اللي مع الجامعيين قي قمه الأخلاق الإجازة مع الطلاب وبعد الإجازة الوضع مريح جداً
وأتكلم عن نفسي راح اجيكم بالدوره واشرح لكم أكثر
موفقين