اقتباس:
المشاركة الأصلية كتبت بواسطة فيوووونا
ام بروكي ...كلامك متناقض جدا ...كيف تقولين مو حسد ...؟ الا حسد بعينه
ومنزله موضوع ثاني تقولين ابغى المواد اللي درستها خريجه رياضيات من كليه اعداد معلمات .. وتقولين بروح اعادل شهادتي بالرياض وادرس المواد اللي مادرستها
ليش ماتقولين لا والله ابغى عشان ارفع قضيه ليش الكذب واللف والدوران ...؟
والافضليه لاعداد معلمات للابتدائي وش حظرتك تقولين حنا افضل منهم ...؟ من الحين الحسد والحقد ..
ماشالله تبي تدرس ابتدائي ومتوسط وثنوي ...وخريجه اعداد معلمات بس تدرس ابتدائي لانها غير مؤهله ...
على كيفك الدعوه ...
|
يااستاذه فيونا
انا سألت ويعلم الله ابي اعادل شهادتي بشهاده اقل منها اعداد معلمات
وانا لما قلت القصد شهادتي افضل من شهاة الاعداد وهالشي يشهد عليه كون بنات الاعداد مالهم احقيه تدريس متوسط وثانوي
ماقلت انا افضل منك او من غيرك ومو هذا القصد حشا لله
القصد انهم يلغون الافضليه وانا صاقه هذا ظلم بحقنا كجامعيات يقبلون بنات الاعداد توهن متخرات وانا وغيري سبع وثمان وتسع وعشر سنين ننتظر يرحموننا وتنزل النقاط
استاذتي مو قصدي بالمواد انو ابيها ضدك او ضد غيرك يعلم الله اني بروح الرياض الاسبوع الجاي موعدي بالمستشفى وابي امر ادخل الكليه اشوف اذا فيه مجال او لاء
القضيه هذي مالها شغل بالموا اللي انتو تدرسونها
انا ابي الغاء الافضليه من هالقضيه فقط
ليه تعتبرونها حسد وحقد ؟؟
مو الحسد والحقد انكم تحرموننا وتسكتون ؟؟
انا ماحسدت الغير تربويات وقلت مايتوظفون وبالامر الملكي لما نزلوهم وحرموهم من الوظايف وقفت معهم وراسلت صحف ورفعنا قضايا بالفساد وانا تربويه وقضيتهم لغير التربويات
الله فوقي وفوقك اختي ويعلم الله اني ماحسدت احد ولا بضر احد بيوم
لو بضر او بحسد احد بطلع اسماء اللي توظفون قدامي بغير حق وبرفع ضدهم وضد اللي توسط لهم وضد وزارتين ظالمات
لكن انا اطالب بحقي
تقدرين تقولين لي سبب واحد انه الابتدائي يكون حصري للاعداد افضليه لهم دون الجامعيات ؟
قولي لي
عفوا اختي رد كان فيه نوعا ما تهور وعجله بالرد
راجعيه الله يجزاك خير
ماحسدت احد بيوم ولا حقدت على احد الله يسامحك ..