لو منك .. أروح لأي محل في الرياض أقعد معهم شهر كامل ، و أعطيهم مبلغ 500 ريال على تدريبي و تعليمي ..
إذا تبي مشروعك يكون مشروع عمر ، أكرف عليه ، إذا تبيه مشروع مشي حالك ، فأمش على كلام المنتديات و وصفات الحريم ..

فيه أسلوب فني للمطاعم عند تقديم الأطعمة مو موجود في البيوت ..
ممكن تمتلك الوصفة السحرية على قولتهم ، بس أسلوب التقديم مشي حالك ..

عمومـًا فكرة ممتازة ، و الأمريكان يفتقرون صراحة لمراكز عصيرات و فواكه مثل الي عندنا بالسعودية ..
بس ترا الأمريكان يحبون شغل التسويق بشكل كبير ، اشتغل عليه نصيحة

و ربنا معك