السلام عليكم
الشقق بالجوف فيه شارع واحد كله شقق باليوميه
عندك شقق سحاب- قصر الاحباب1- فندق مارد- الاحباب2
فندق جيناك هذا غالي باليوم يمكن 280 بس نظيييف مايصلح بالشهر حقه يوم وتطلع
الشقق كلها قدام مستشفى التخصصي الجديد طريق الملك خالد قريب من اشارة مطعم الطازج
قدام مطعم الطازج فيه عماير كبار بالشهر اغلبهم دكاتره جامعات ساكنين يسمونه حي الفيصليه
اذا تبون بالشهر لاتستعجلون لان حقين المكاتب مصاريه وبياعين كلام ولاتستعجلون اغلب المكاتب كلها بشارع واحد عند مطعم الارنب الجائع بعد المستشفى التخصصي 300 متر يعني لو تروح على رجليك توصل لهم
الشارع هذاك حيوي وكل الخدمات فيه واغلبه عزابيه حقين الجامعه لان الجامعه قريبه لهم داخل الحاره اقرب لهم واوفر
اذا انتي جايه بالطائره قولي للتكسي الشقق اللي قدام المستشفى هذيك امن وامان وحاره هاديه احسن من اللي عند الارنب الجوعان 
والتكاسي داخل المنطقه قليل
على فكره مجمع سيتي ماكس قريب من الشقق هذيك بس يبغالها تدقها كعابي وفيه قدام المجمع شقق ديار اسعارهم يعني نص ونص ومافيه مطاعم قريبه
احسن مطاعم مطعم القصر للرز والدجاج لايعلى عليه وفيه مطعم بروست الشاري هذا زحمه وشغله نظيف انا جربت كل المطاعم اغلبهم وصاخه 
اذا سكنتي قريب من التخصصي لاتاكلون من مطعم كلك نظر لانه وصخ وفيه سوريين اكلهم بسم الله على النعمه اكثر من مره يقفلونه واكلهم كله مشاوي ويمسكونهم يبعيون لحم قطاوة وحمير وانتي بكرامه
اي استفسار عن الجوف وقراها انا حاضر
رجاء سوي اعادة ارسال للبنات اللي يسالن عن الشقق من باب التذكير وحب لاخيك المسلم ماتحب لنفسك وعشان يصير عندهن فكره عن المنطقه
اي استفسار حاضرين
هذي الرساله جاتني ع الخاص الله يجزيه خير ويكتبله الاخر الي ارسلها .. وان شاء الله تفيد الجميع المعلومات عن المنطقه ..