بنات أنا اليوم مقابلتي بالقصيم تخصصي لغة إنجليزية ..
في البداية رحت بدري عشان يمديني أعبي الأوراق قبل موعد المقابلة وطلعوا مايهتمون لوقت المقابلة .
دخلت عند الأرشيف وعطوني أوراق أعبيها ورقم أنتظر دوري،.
بعدين دخلت عند المطابقة تطابق أوراقي وطلبت مني أصل الوثيقة والسجل الأكاديمي وبطاقة الأحوال أو جواز السفر وصورة لكل وحدة . طبعاً أنا ماعندي لابطاقة أحوال ولا جواز سفر فخلتني أكتب تعهد إني أجيب صورة لوحدة منهن خلال أسبوع .
وختمت أوراقي وعطتني ورقة الكشف الطبي .
بعدها رحت للجنة المقابلة وسألتني وش تخصصي ومتى تخرجت وهل درست قبل كذا وهل أرغب بالانتداب فقط لاغيررر والحمدلله عدت على خير .
وباقي الأوراق قالت لي وديها للأرشيف وورقة الكشف الطبي أوديها للمديرة تختمها وتوقع عليها وبعدها نروح لأي مستشفى بس أهم شي النتيجة تطلع قبل اسبوع .
وطبعاً تكتبون رقم الجوال عشان يرسلون عليه رسالة التوجيه في أي مدرسة وأي مكان .
وووووبس ..... وبالتوفيق للجميع ياررررب 