صباح الورد حبيباتي
انا كانت مقابلتي امس ،، حفر الباطن ،، رياض اطفال
كان موعدي 3 ورحت على 2 ونص ،،
الموقع : سهل الوصول اليه اذا معاك بالايفون برنامج قوقل ماب
او جارمن السياره ،،
المكان : بالدور الثالث كان حر شديد مافي مكيفات خارجيه بالساحه ،،والي بغرف الاجراءات القبليه للمقابله وغرفة المقابله كان فيها مكيف لكن للاسف ماكانو موجود ..
التعامل :كان جميل ومحترم
النظام: كان سيء جداً في ( غرفة الاجراءات القبليه للمقابله ( اذا ماسالتي الي قبلك ماتعرفي شي) اما في غرفة المقابله كان منظم ..
الخطوات :
1 - تاكدي بورقة الموعد حقتك الي طبعتيها أنت بأي لجنة..
2- تدخلين غرفة ( لتكميل اجراءات قبل المقابله).. تروحين للمسؤوله عن (لجنتك) طبعاً مارح تعرفين مين إلا إذا سألتي ،،
3- تطلب منك نسخه من (الوثيقه) ونسخه من ( الهويه الوطنيه او بطاقة العايله) مع الاصول ونسخه من ( الرغبات المكانيه الي تم طباعتها من موقع تكامل) .. تطابق الاوراق وتعبي ورقه وتقول لك روحي ( صوريها) في بنفس الغرفة الة طابعه ومسووله عن التصوير تصور لك ،، وترجعي لنفس المسووله وتعطيها الورقه وقتها تحولك على وحده ثانيه مسؤوله ،، تروحين لها تعطيك ورقتين لمعلومات تعبينها (وكل ورقه لها نسختين) يعني تعبي 4 أوراق ،، اذا خلصتي تعبئه تقولك المسووله رتبي ملفاتك يكون معاك ( ملفين ابو علاق)كل ملف تحطين فيه هالاوراق ( نسخه من الوثيقه+ نسخه من الهويه الوطنيه او بطاقة العايله + نسخه من خبراتك اذا كان عندك خبرات ) وتسلمينها لها ،، تعطيك ورقه تروحي لغرفة المقابله ،،
4- غرفة المقابله : الورقه الي معاك تسلمينها لمسووله جنب الباب قاعده .. تنتظري عالكراسي برا .. تنادي اسمك .. تطلب منك( تنزلين العبايه ضروري قبل الدخول ) وتوجهك للمسولات عن مقابلتك،،
5- المقابله: كانت عباره عن مسؤولتين بالنسبه لقسم ( رياض اطفال) لطيفات جداً اخلاق ذوق احترام اسلوب تبارك الرحمن ربي يحميهم .. الاسئله كانت عباره عن :

عرفي عن نفسك؟
هل أنـ♡ـتِ مطلعه على المناهج الحديثه ؟
طفل مشاكس ايش تسوي معاه؟
طفل سالك سوال في وسط الحلقه كيف تتصرفي معاه؟
كيف تزرعين حب الوطن في الطفل؟
كيفك مع الحاسب ؟
فين يكون الركن المصاحب ؟
عدد الوحدات واسمائها؟
عددي الاركان؟

6- بعد المقابله: يخلونك توقعين على ورقة مكتوب فيها اسمك ( انه تم مقابلتك) .. يسلمونك ورقه (الفحص الطبي)يوجهونك ( للمديره) تروحي لها وتختم لك الورقه ..


(((( الفحص الطبي في مستشفى الملك خالد بالحفر ))))


وبس �� لاتنسون تاخذون معاكم ( قلم) عشان ماتحوسون

موفقات ربي ييسر لكم اموركم ،،
دعواتكم حبيباتي