الف مبروك التعيين انا من متعينات العام بالفواره
ابشركم احمدوا الله على تعيينكم بالقصيم امان وناس طيبه وقرى جميله بها كل الخدمات من اقصاها وادناها
والسيارات الي تنقل من بريده متوفره لجميع قرى القصيم وشركات قائمه على نقل المعلمات
والسكن موجود واسعاره معقوله وادارة بريده متعاونه لو رحتي وشرحتي ظروفك يندبونك لاي قطاع من قطاعات القصيم زميلتي معي في الفواره متعينه ندبوها للاسياح ليقربوها من الزلفي مكان اقامتها ناس جدا متعاونه
والقرى يتبعها عدة قرى مثلا الفواره يتبعها قرى يوجهون البنات لها ولكن مهي بعيده خمس دقائق الا قرية المطيوي الشمالي نائيه قليلا
وبنات المدينه عقلة الصقور قريبه منهم وفي نقل يطلع منها يوميا من المدينه للعقله للمعلمات
دعواتكم لي بالنقل