هذا رد احد الاخوان

السلام عليكم يا جماعة الخير
اليوم الاحد رحت للمقابلة وكنت مقدم على باحث قضايا مساعد
المهم اول ماجيت ناداني الحارس واخذ الهوية و اعطاني رقم وقال استريح
المهم جلسنا شوي وهم ينادون وكان رقمي 26 وقال من 26 الى 35 يجوون
وطلعونا فوق وخلونا نجلس دقايق وبعدين دخلونا في المكتب اللي فيه اختبار الكتابه ف الكمبيوتر
وخلو كل واحد يجلس عند جهاز واخذ شوي يعلمنا عن الطريقة المهم بدينا ولخبطت شوي ف الكتابه
واكثر ما لخبطنا الهمزه فوق الالف وتحته والفاصله اللي على فوق او تحت
المهم خلصت وقت الكتابه الخمس دقايق وطبعوا نتائج الكتابة وشفت نتيجتي مكتوب الاجمالي اظن 92%
وبعدها طلعنا وجلسنا شوي وصار ينادون واحد واحد بالارقام ودخلت عند القضاة 2 وقال تحدث عن نفسك وقال سويت بحث ف الجامعه قلت ايه قال ف ايش وعلمته قال وش الكتب اللي بحثت فيها و عطيته كذا اسم وقال تقرا كتب وش هي الكتب اللي تقرا وقال لو جاك تدريس والديوان وين تروح قلت الديوان قال خلاص الله وياك ومشيت
وهذي العلوم من طقطق الى السلام عليكم
وعلى فكره كانت المقابلة ف جده
والعذر ف تأخيري لاني من المدينة وما رجعت الا متأخر

للأمانة منقول: https://www.btalah.com/showthread.*****..#ixzz2dDacUaca

كان في شخص كاتب انه كتب 25 كلمه بالدقيقه ونتيجته 100%
والاختبار 5 دقائق ع حسب مافهمت يعني باذن الله متيسره ومامنه خوف