حظرت اليوم عندهم الساعه 5 ونص تقريبا ... وما دخلونا الا الساعه 7 ..... عموما عند البوابه راح يصفوكم 3 صفوف .... صف ممتاز وصف جيد جدي وصف جيد .... انا تقديري جيد ومسكت مع صف الممتاز xD ابي اخلص اموري بسرعه ....


عموما كالعاده يركبوكم الباص ثم يودوكم لقاعه أختبار تحريري .... الأختار مكون من 30 سؤال وكلها خيارات ... أغلبها اسئله دينيه ....

اذا خلصت الأختبار تسلم الورقه وتركب الباص ويالله على أختبار اللياقه ..... ينزلكم الباص في ساحه الأختبار ويصفوكم داخل الملعب في الشمس .... يعطونك ورقه أختبار اللياقه تكتب عليها اسمك ورقم القبول ....


ثم يبدأ الأختبار بأخذ الطول والوزن وللأسف هالمره ما يمشون مثل القبول المبدئي .... بعدها أختبار القفز يبونك تقفز تقريبا 230 سانتي .... مترين و 30 سانتي .... العسكري ما قصر ويزود شوي من عنده ...



ثم أختبار الظغط او البشم يبونك تعد لين الـ 36 ..... انا عديت 15 وكتبلي 19 ... ما قصر .... خويي عد 5 وكتبوله 30 .... أنت وحظك وعلى حسب الشخص الي يختبرك ....


بعد البشم يبدأ أختبار الجري .... تقريبا المسافه كيلو الا شوي .... يصف حول الـ 20 شخص ويقول أول 5 يوصلون راح ياخذون الدرجه الكامله ..... انا جبت الأخير xD اللياقه عندي صفر ... بس العسكري قال لا تخافون راح نعطيكم كلكم درجه كامله ...

وخلاص تركب الباص ويوصلك للباب ....


النتايج تطلع بعد اسبوعين في جريده عكاظ او اليوم .... وعلى كلام الظابط راح يقبلون 200 شخص تقريبا من أصل 500


بالتوفيق لك فالنا القبول النهائي ان شاء الله ....