أتوقع ان المشكلة الأساسية انه ما فيه وعي بأهمية وجود ((معلم صعوبات تعلم في المدرسة )) يعني تلقين مديرات المدارس ما يجي علبالهم انهم يطلبون معلمة صعوبات تعلم لأن أصلا ما عندهم وعي لأهمية وجود هالمعلمة

المشكلة بالوعي أغلب المسؤلين ما عندهم وعي باحتياجات ذوي الاحتياجات الخاصة بشكل عام

يعني مثلا أنا تربية خاصة مساري اعاقة سمعية واحنا طوول دراستنا يؤكدون لنا أهمية وجود مدرب نطق بجانب معلم الاعاقة السمعية لأنه بطبيعة الحال الاعاقة راح تؤثر على النطق حتى لو كان الجهاز الكلامي سليم ...

ولكن لا حياة لمن تنادي


أنا يوم طبقت أيام التدريب الميداني كان فيه طالبات بالمدرسة عندهم ضعف سمعي واحتمالية القدرة على النطق عندهم توصل 80 بالمية ...المشكلة انه مافيه مدربة نطق لهم ..مو حرام اللي قاعد يصير مو من حقهم يتعلمون النطق ويعيشوا حياة شبه طبيعية ..
المشكلة احتياج تدريب النطق لا يذكر 8 ولا 9 وفيه مناطق احتياجهم صفر ..

أرجع وأقول السبب غياب الوعي وعدم فهم حقيقي لاحتياجات ذوي احتياجات الخاصة
وتهميش الخدمات المساندة مثل الاخصائي النفسي والاجتماعي ودورهم لا يمكن الاستهانة به أبد ..لكن وش نقوول

معليش أختي أدوشتك معي وطلعت من صلب الموضوع .....