اقتباس:
المشاركة الأصلية كتبت بواسطة مدني ودمي عسكري
الله يكون بعونك
بالنسبه لاجواء المدرسه ماني بعيد عنك جتني فتره الاربعاء والسبت مو معترف فيها عندي
واذا حضرت المدرسه الصباح ادخل افحط في المدرسه وازعج الطلاب ههههههههه والنحشه
اختبار التوحيد الفصل الثاني ثالث ثانوي ماحضرته لان اخواني ضيعوا مفتاح سيارتي رامينه في الزباله حقت المجلس هع
ماحصلته الا متأخر وطافني الامتحان
المهم المدرس الله يجزاه خير ماقصر عطاني درجه من عنده جيد وتخرجت بتقدير جيد جداً
حبيت افضفض لك واقولك اني بزوطت في المدرسه اكثر منك
لكن صدقني لما جت الوظيفه خصوصاً بعد كم سنه من البحث والتعب
كان لها طعم ثاني
بدون مبالغه كنت مميز بين زملائي في العمل والمدير يثني علي كثير قدامي ومن وراي
وزملائي عسل على عسل
اترك جو المدرسه والمشاكل والاحزاب
في العمل بتكون رجال ووراك مسؤليات والعمل ممتع يكفي انك مشغل نفسك بشي له مدخول اخر الشهر
بالنسبه للروتين الي انت فيه راح يتغير مع العمل
يمكن اول اسبوع تعاني لانك ماتأقلمت على الوظيفه
لكن بعد فتره بيكون كل شي سهالات
يقال : الاستمرار على نشاط معين لمدة 40 يوم يجعل منه عاده
الحضور المبكر للعمل والانتظام والتعامل الطيب مع زملائك والمساعده وقت الحاجه في العمل وعدم الانانيه وابتعد عن النميمه والغيبه
صدقني بتكون ملك في دوامك
بالتوفيق
|
كلامك درر ما شاء الله عليك