المشاركة الأصلية كتبت بواسطة آإحتمآل ضعنأإِ

اسمع ياخوي ،

يامآ سمعنا ان العسكر بعد التقاعد مايبقى له غير الراتب الاساسي ويروح فيهآإ ومدري وشَ

انآ ابوي عسكري بالشرطة برتبة رقيب ومتقاعد _ خدمة تقريبآ 28 او 30 سنة

بعد التقاعد ،

صرفو له نهاية خدمة وبدلات وحقت الإجازات ، صفت له تقريبآإ 330 الف ريال
راتبه قبل التقاعد 11500 ريال ، بعد التقاعد 7300 تقريبآإ


ابوي باخر سنتين قبل يتقاعد ماكان يداوم الى ساعة ساعتين ويرجع البيت ،

العسكري قبل يتقاعد الضباط يريحونه على جنب على قولتهم زيادة عدد والي ميداني يحولونه مكاتب ، اقسم بالله ان العسكرية سهالات

ياخوي شوف انا مالوم الناس يوم تقول العسكرية تقتل الطموح الومك انت الي متحمس لراتب العالي وتعتمد على راتبك فقط ؟!

ياخي دوامك 6 ساعات وراتبك مشاء الله تبارك الله 11 الف ، وتقول دوامك راحة واجازات ومتساهلين معكمُ

ليه بهالـ 11 سنة ذي ، مآشفت لك اي مشروع حتى لو محل صغير 6×6 !!

ترا الي يعتمد على راتبه بس ، يطلع من المولد بلا حمص على قولتهم

ابسط شي تسويه تدخل جمعية بـ 1000 ولأ 1500 اقل شي ، ثم روح قسم مشاريع وافكار وشوف كم راس مالك

والاخوان يفزعون لك بمشاريع ، تعين منهآ خير

صدقني ياخوي ان الخير كله بالتجارة ، والوظائف الحكومية المفروض الي راتبه +6 الف من اول ماتوظف آول 5 سنين يستقطع من راتبه اقل شي 1500 ريال لمشروع ، و 2000 لزواج ، والامور طيبه ان شاء الله

الله يصلح حالك ويرزقنا ويرزقك كل مافيه خير