الله يعطيكم العافية

بصراحة هي مشكلة صارت معي

قبل 8 اشهر سلفت شخص 16000ريال كاش على انه يسددني كل شهر 1000ريال

واعطاني 16 شيك كل شيك 1000ريال

والجميل اننا تركنا خانة التاريخ فاضية وقالي اي شهر اتأخر عليك روح اسحب شيك

والحمد لله لمدة 8شهور يدفع لي 1000ريال نقد واعطيه شيك

لكن في هذا الشهر قبل العيد بيومين قال لي محتاج 2000ريال وبرجعها لك مع القسط يعني بعطيك 3000ريال يوم 10/25 قلت له ابشر وسلفته وعطاني شيك ب2000ريال ايضا بدون تاريخ وايضا اعطاني بطاقة الصراف وقالي اسحب حقك بنفسك قلت تمام ..

ولكن المشكلة انه يوم 25 رحت بسحب وجدت البطاقة ملغيه اتصل عليه مايرد ارسلت له ناس قال لهم ماني معطيه هذا الشهر قمت انا وقدرته وارسلت له رسالة ع جواله خلاص ال2000 لاتسلمها الان ولاتسلمها الا بعد ماتخلص دينك ال16000 وهالشهر اعطني القسط فقط 1000ريال ولكني لم اجد منه اي رد لمدة يومين فذهبت وصرفت الشيك اللي به 2000ريال ..

بعد 10 دقائق ارسل لي رسالة يقول فيها : خلاص هالشهر اخذته ولكني بكره بروح البنك بلغي دفتر الشيكات ..!

الحين انا عندي 8 شيكات كل شيك فيه 1000ريال بدون تاريخ وهو على حسب الرسالة اذا صدق فهو ألغى الشيكات يوم 26/10/1434 .. طيب الحين لو الغاها كيف اقدر اسحب الشيكات كل شهر شيك ؟
وش التاريخ اللي اكتبه ؟ ( علما ان تاريخ الغاء الشيكات 26/10/1434 )

ارجو الافادة جزاكم الله خير