السلام عليكم ورحمة الله
انا احدى اللي يعمل على الكمبيوتر مدخلة بيانات " غير رسميه " يعني راتبي من المديرة اعمل في شؤون المعلمات .. من 3 سنوات والادارة تاخذ من جدارة بناء على كشوفات وقوائم ترسلها الخدمة لادار التعليم ..
اذا حصل عجز فتحوا عقد وبدا يشوفوا الدور على مين عشان يعاقدوها ..
اللعب متى يبدا مثلا يكون الدور على بنت مايكون لها واسطه يقوموا يتصلوا مره وحده ويحاولوا يتصلوا على اللي بعدها الين يوصولوا للاسم اللي يبغوه يدقوا عليه وطبعا تجي تكتب العقد .. وكان يجوا بنات يحتجوا لما يسمعوا اللي اقل منهم نقاط يتعاقدوا رد الادارة دقينا ومارديتوا او كان مغلق ..
وفي مرات يكون فعلا في ذمه وترفض المسؤوله الاتصال على اللي بعدها الين يعدي يوم كامل .. وهذا اللي حاصل .. الوحيدات اللي يقدموا كان خريجات الحاسب اللي بكالريوس اي تخصص + دبلوم حاسب تودي ملفها .. بس هذه تم الغائها من 3 سنوات تقريبا .. حبيت افيدكم والله الموفق