ياشباب الشنطه صغيره مره ما تدخل فيها الله يكرمكم حتى الجزمات .. خذ لك وحده اكبر منها

بس تأكد أنها تكون بدون عجلات .. يعني شنطه ترفعها

الفلوس ياعيال اهم شي ولا تبالغ خذ لك 150 كفايه وقت ما تحتاج شي .. وحاول تصرفهن خمسات

وعشرات عشان يسهل عليك تشتري بسرعه ..

بالنسبه للشنطه وفر لها قفل افضل لك السرقه بالدوره مثل السلام عليكم .. يعني تحرص على اغراضك

وقفل ابو 5 ريال ماهوب ضارك ،، والله يكرمكم الزنوبه جب منها 3 فردات لأنك بالغالب بتروح المسجد عليك

نعول وترجع حافي .. الا اذا صرت ذيب وغيبتها بمكان خطافي ^_^

والمرهم العضلات مهم مهم لأول وثاني ليله لأن عضلاتك ماهي متعوده على هالشي ..

واهم شي خلي صدرك وسيع .. وطول بالك قد ما تقدر ،، توقع اي شي يصير لك

وأصبر وتذكر وش بيجيك بعد هالدوره .. الوظيفه ، الراتب ، وتغني نفسك

الله يوفقكم ،، ويسهل أموركم ،،