اقتباس:
المشاركة الأصلية كتبت بواسطة وحيدة بمشاعري
مرحبا للجميع ... حابة استشيركم في شغله صغنوته
انا مقدمة معكم في شركة علم واجريت المقابلة ولله الحمد وانتظر الاختبار ... في الفترة الحالية رشحت لوظيفة ادارية في جمعية دسكا ... ومحتارة هل اروح للجمعية واخلص باقي اجراءت الوظيفة او انتظر شركة علم ...
انا طالبتكم المشورة لو سمحتم لانني في حيرة من امري ...
وشكراً مقدما ً لكل الي راح يردوا علي ويرزقهم الرحمن من حيث لا يحتسبون رزقاً حلالً طيباً مباركاً يارب ...
|
هلابك اختي
بصراحة شركة علم من افضل الشركات كـ استقرار وضيفي ومميزات،، لكن الشي السلبي وما يعتبر عيب بالشركة هو اجراءات التوظيف عندهم طويله!! تمر بمراحل وتستغرق وقت طويل. المتوسط الحسابي لوقت استغراق التوظيف فيها هو ثلاث شهور وفي ناس توظفوا بوقت اسرع وناس بوقت اطول تصل الى 6 شهور لكن الوقت المتوقع دائما هو ثلاث شهور.
مراحلهم هي >> مقابله شخصية>> اختبار>> ترشيح وفي مرحله بحث امني من وزارة الداخليه بس ما ادري هي قبل ولا بعد
انا لي شهرين ونص تقريبا
سويت المقابله الشخصيه قبل رمضان واتصلوا علي في اول ايام رمضان علشان اروح الاختبار ورحت وماطلعت النتائج الا قبل اسبوع!! ارسلولي تم اجتيازكم الاختبار (ولله الحمد) ويستغرق القبول النهائي لايقل عن شهر !! يعني انا بالمرحله الاخيره ما ادري هل اترشح او اكون احتياط او استبعد طبعا على حسب مؤهلات المرشحين وعدد المطلوبين!! كل هذا بمشيئة الله.
ف انا امر بنفس حالتك ( ماراح انصحك) بس راح اقولك تجربتي بعد الاستخاره
جتني عروض وظيفيه بس ما رضت طموحي او يكون فيها عيب ورفضتها
الي مريحيني بالموضوع اني ولله الحمدلله نجحت بالمقابله ونجحت بالاختبار وباقي الترشيح وهو بيد الله سبحانه وتعالى
ف استخرت ورفضت العروض ومعطي نفسي بريك لمدة شهر لين تطلع نتيجتي
ان جت ف الحمدلله وان ما جت ف الشكوى لله والحمدلله على كل حال ( دايما اقول الي جابها يجيب غيرها )
بالنسبه لك جاوبي هالاسئله بينك وبين نفسك وراح تلقين الجواب
هل انتي بأمس الحاجه لوظيفه؟
هل وظيفتك في الجمعيه ممتازه وترضي طموح او الشي الي بتوصلين له؟
هل في فرق شاسع بين مستوى وظيفة الجمعيه و وظيفة علم؟
هل اذا رفضتي الجمعية راح يكون صعب عليك تلقين وظيفه غيرها؟
وبالاول والاخير القرار قرارك وهي حياتك ومستقبلك! وااستعيني بالله واستخيري
والله يوفقك ويرزقك ان شاء الله