السلام عليكم ورحمة الله وبركاته :

انا قدمت على القوات المسلحة وجتني رساله مكتوب فيها ( تم ترشيحك اوليا ويجب عليك حجز موعد للمقابلة الشخصية والكشف الطبي ) وهذا الامر حصل معي في شهر 8 والحمدلله كل شي تمام بس في 16 رمضان دخلت على الموقع وكان مكتوب في صفحتي ( نأسف لعدم قبولك ونتمنى لك التوفيق ) وقلت الحمدلله خيره من الله ، لكن امس الخميس 29 / 10 جتني رساله مكتوب فيها ( تم قبولك مبدئيا الرجاء زيارة الموقع لقراءة التعليمات ومراجعة مكتب التسجيل مقابل اسواق الشعلة يوم الاحد 2 / 11 الساعة 7 صباحا متقيدا باللبس الرياضي المحدد مع احضار الهوية ونسخة منها وعدد 3 صور شخصية 4 في 6 مكشوف الرأس )

فحبيت اسأل عن بعض الامور :
1- انا دخلت الموقع وماتغير فيه شي مكتوب ( نأسف لعدم قبولك ونتمنى لك التوفيق ) ما ادري اروح والا لا ؟
2- ما ادري ايش هي التعليمات اللي يبوني اشوفها على الموقع ؟
3- اذا كنت بروح هل فيه شي اجيبه معي غير اللي في الرساله ؟
4- ايش لون اللبس الرياضي ؟
5- ليه في البداية قالوا نأسف لعدم قبولك والحين يرسلون لي رساله يقولون تعال ؟
6- اذا كان هذا يعتبر قبول متى نسوي الكشوفات النهائية ؟

وآسف على الاطالة ...... حسيت اني مدرس مسوي اختبار مقطع واسئلة عن المقطع
انا كتبت كل هذي الاسئله علشان افهم ايش السالفه وعلشان الناس اللي ماتدري ... وسامحوني على الاطالة