تجربتي كانت في شركة المراعي اولا سوا لي مقابلة شخصية لمدة ساعة الاربع ويسالونكم اسالة كثيرة ويحاولون يحبطونك بس انتي لازم تكون شخصيتك قوية وبعدين قبلوني الوظيفة سته ساعات بريك نص ساعة شهر شفت صباحي وشهر شفت مسائي ورواتبهم 2955بعد خصم التامينات مستشفياتهم حقت التامين كثيرة وحلوة هذة مميزاتهم نجي للعيوب التدريب يخلوك تقريبا داخل ارض المصنع اول يوم بس ربع ساعة مايمديك تحسي بمدى قدرتك على تحمل العمل وبعدين توقعي عقد لمدة سنتين وهالشي مو حلو لان الفترة طويلة وكمان يمنعوك تدخلي المصنع من دون البالطو و الجزم الله يكرمكم اللي هم يوفرونها بس للاسف احنا اعطونا مستخدمة طبيعة عملهم ست ساعات واقفه وممنوع الجلوس ويبغونك نفس سرعة الالة وهالشي يسبب لك احباط لانك ادمية مو اله وكمان لازم تجيبي اكلك معاك لان الكافيتريا على الرغم من نظافتها وترتيبها الاانه مايوفرولك الا موية واندومي ولبن المراعي واللبن هدية من الشركة يعني ببلاش بس العيب الكبير اللي خلاني اترك العمل هما انهم يبونا بعد مانخلص الشغل نكنس المكان وهالشي فاجاني لان العمل هو عاملة انتاج مو عاملة نظافة والغريب انه حتى المشرفا ت يكنسوا وهالشي لو قالوه لنا من الاول ماضيعنا وقتنا ووقتهم اتمنى تستفيدوا من تجربتي وبالتوفيق وياليت اللي عندهم خبرة يشاركونا