اقتباس:
المشاركة الأصلية كتبت بواسطة محروم ومنتظر
هلااااااااا اخوي ليبرون والحمدلله على السلامه ياحبيبي لاتشكرني الشكر كله لله وحده انا مسويت شيء ومن ناحية سؤالك والله ياخي مادري انا مثلك بس الي اقدر اقوله اني انا سالت المقدم وقالي يمكن ليش لا ماعطاني جواب قاطع يمكن بس يبي يصرفني بس فيه ضابط يقولي حتى لو مصرت ضابط وعينت على وكيل رقيب
يبقى لك ثلاث رتب بس وتصير ضابط الي هي رقيب= رقيب اول =رئيس رقباء =ضابط وبين كل رتبه ورتبه 3 الى 4 سنوات وان قطاع امن المنشات جديد والاقبال عليه جيد وفيه احتياج ومن هالكلام
والله ياخوي ليبرون اني مثلك ضايق صدري وودي اصير واحلم بالضباط والنجوم بس وانا اخوك مابيدنا حيله والشكوى لله مالنا الا نصبر ونرضى بلي كاتبه الله لنا ان كنا ضباط الحمدلله وان كنا وكيل رقيب الحمدلله بس احب اعلمك فيه ناس كثار جامعين قدموا على قوات امن الخاصة والطواري والدفاع المدني على رتبه جندي تخيل جندي ويوم قلت لهم وكيل رقيب قالوا لي احمد ربك
والراتب الاساسي وكيل رقيب 3500 بدون البدلات مع البدلات 7500 اما الضابط الراتب الاساسي7500 مع البدلات ياصل 12000 بالراحه يعني من جد فرق وقهر بس وش نسوي مابيدنا حيله الشكوى لله شف الى من هو دونك لا الى من هو فوقك وذلك فضل الله يؤتيه من يشاء والله ذو الفضل العظيم من رضى فله الرضى ومن سخط فعليه السخط
الف من يتمناها وكيل الرقيب انت فتحت جرح بس توووكل على الله قل اللهم اني موكل امري اليك وراضي ياربي بلي تكتبه لي ومن توكل على الله فهو حسبه وان شاء الله ربي ميخذلك وبالتوفيق ولاتنسانا من دعواتك
|
بعد التحية والسلام
ممكن هذي اول مشاركه لي معكم
اتمنى من الله العلي القدير في هذا اليوم المبارك ان يوفق الجميع لما يحبه ويرضى
انا قبلكم قدمت على دورة الضباط العام المنصرم لكن لم يكتب لي الله فيها لكن التحقت بامن المنشات وكيل والحمد لله الان مدرب في مركز تدريب مكه وانشاء الله اشوفكم عندي بالمركز ومع مجموعه من الباكستانيين المدربين
اما بخصوص الترشيح لدورة ضابط ياخوي لا تضحك على نفسك الاختبار صح لم يكن موجود من قبل لكن اضيف الدفعه هذي كإجراء روتيني وتطوير لقوات امن المنشات من سعادة قائد القوات اللواء ركن سعد الماجد
فانشاء الله كلكم مقبول وخصوصا اللي حضر الاختبار وعلى فكره ترى مافيه نجاح ولارسوب
اما بخصووص الراتب الاساسي للوكيل فكنا نستلم/ 3817ريال وهذا بعد الزياه 5% اما الراتب فيختلف بحسب الموقع اذا كان مدرب ياخذ فوق 8 الاف اما التخصصات الثانيه فياخذ7500
انشاء الله وضحت لكم بعض الشي وانا جاهز لاي استفسار
تحيااااتي لكم ياوووحوش المستقبل