السلام عليكم ورحمة الله وبركاته
أخواتي حبيت أكتب لكم تجربتي بالمفابلة
أولاً : أشكرهم كل الشكر على التنظيم والترتيب والله يجزاهم خير ويبارك فيهم يارب
والله ترتيبهم يريح الواحد بقوووه مب فوضه توترك

ثانياً : أنا مقدمه على وظيفة باحث شرعي
تخصصي الجامعي شريعة

أولا شيء سألني عن السجل المدني بعدين قالي أسمك **** قلت نعم
سأل من أي جامعة متخرجة ؟
هل سويتي بحوث بالجامعة ؟ قلت 3 بحوث فصلية وبحوث مصغرة تبع المقررات
سال وش آخر بحث سويته ؟
قال وش أبرز النتائج الي توصلتي له ؟ (يقصد ببحثي الأخير)>> ما أمدان أتكلم عنه ثواني قال خلاص
قال لو سويتي بحث ويوم طلبة المدير ضاع وش تسوين ؟ (يقصد موقفي من التأديب الي بيسوية المدير)

قال أكتبي ( المملكة العربية السعودية) ... قبل أكتب السعودية قال خلي الخط 20 أنا وقفت مدري أكمل السعودية أو لا سألته قلت أكمل قال إية كملي كملتة و كبرت الخط


ملاحظة :
خلوا معكم صور لشهادة التخرج والدورة ...
بنات انتبهوا للمعلومات الي مسجلة إذا اخذتوا ملخص الطلب من عندهم
سبحان الله أنا بالأخير انتبهت أنهم كاتين لي الدورة دبلوم سنتين مع أني مسجله دورة 6 شهور ومعهد غير المعهد الي درست فيه وتاريخ غير التاريخ الي اخذت الدورة به
قلت لرئيسة اللجنة النسائية وبعد الاتصال أشو كان معي صورة لشهادت الدورة وأخذتها وأرفقتها مع الطلب .

واتمنى للجميع التوفيق

ويارب إن كان الوظيفة فيها خير لنا يرزقنا إياها وإن كان فيها شر لنا يصرفها عنا ويرضينا بما قسم لنا

سؤال للبنات الي سوا مقابلة اليوم هل رئيسة اللجنة أسالتكم شيء ولا بعد ما خلصت مقابلة المشايخ طلعتوا ؟؟