بتكلم لكم عن المقابلة بشكل مختصر
الحضور يكون الساعة 3 تدخلين على كاونتر الاستقبال يعطونك رقم وبعدها تتجهين للموظف يطبع نوذج الطلب وبعدها تدخلين إستراحة ثم ينادون بالارقام
وتدخلين قاعة فيها موظفات يستقبلونك ويطابقون بياناتك
ثم تجلسين على الجهاز وتركبين السماعة
طبعا فيه ستة لجان وكل لجنة عن لجنة تختلف الاسألة
ولكن جميعها وفي الغالب
اول سؤال يسألك رقم السجل المدني وتخصصك الجامعي
وبعدها يسألك عن الدورات إذا كان عندك دورات وبحوثك وقت ما كنت تدرسين يسألك كيف كنتي تعتمدين لكتابة البحث ويسألك عن ديوان المظالم معلومات عامة عنه مثل ماهي مهام الديوان وش القضايا اللي يختص فيها الديوان كيف عرفتي عن الديوان سمعتي عنه قبل كذا
يسألك عن مسمى الوظيفة اللي مقدمة عليها وش مهامها ؟
بعضهم يسألك إذا تخرجتي من فترة طويلة قدمتي على وظايف قبل هالوظيفة او لآ وكيف استثمرتي وقتك طول الوقت وانتي عاطلة ؟
وبعدها يقول افتحي برنامج الوورد واكتبي جملة معينة
مثلا بسم الله الرحمن الرحيم
او ديوان المظالم او اسمك رباعي
يطلب منك تكبرين الخط أو تلونينه
او يطلب منك تخلين الجملة بوسط الصفحة

شي مهم
الثقة بالنفس مهمة للغاية
تسلسلك بطرحك للمعلومات اللي يسألك عنها مهم للغاية

يعني لا تخافون ولا تترتبكون ابدا
المقابلة سهلة إن شاء الله
والله يوفقكم