أنا سويت المقابلة اليوم في جده باحث قضايا .. اول شيء دخلنـآ وفي على الجنب رجال يوزع ارقام ويسجل اسمك .. وبعدها يقولي روحي عند هذاك المكتب .. رحت وطلبني رقم السجل وطبع ورقة الطلب حقت الوظيفة ... ----> يعني ما يحتاج تطبعيها في البيت وجلسنا وبعدها ينادون من رقم كذا الى رقم كذا تتفضل بعدها طلعنا الدور الي فوق وكان في حرمه تشوف رقم السجل الي ما عندها بطاقة احوال تبصم .. وجلسنا في كراسي موجوده هناك ... وفيه طاوله عليها عصيرات ومويه وبعدها ينادون من رقم كذا الى كذا تروح لجنة كذا .. انا دخلت لجنة 4 .. لقاعة فيها كراسي وقدامك مكتبين على كل مكتب جهاز كمبيوتر وفي مشرفه واقفه المقابلة .. س1 قال اذكري رقم السجل ؟ وطلع عنده اسمي .. وبعدين قال عرفي عن نفسك .. قلت انا اسمي ...... عمري ...... احمل شهاده من جامعه قطع كلامي قال انا قلت عرفي عن نفسك مو تقولي مؤهلك العلمي المهم عرفت عن نفسي س2 بعدين قال ايش تعرفين عن باحث قضايا !! س3 كم تحفظين من القران وبعدها قال إيش عندك من شهادات وانا عندي كامبردج قالي ايش درستي في كامبردج ولما وصلت الإكسس س4قال تكلمي عن برانامج الإكسس س5 بعدين قال اذكري موقف حصل واثر على نفسيتك هنا سكت وبعدين قلت الحمد الله ما في س6 وبعدين قال افتحي الورد واكتبي محكمة الإستئناف الإداري بجدة وبعدها قال حطي الماوس على جنب س7 وقال مذا تعملين الان << وانا اقول في قلبي وجع باقي ما خلص تحقيق .. المهم المكتب الي جنبي ما شاء الله اختبر 5 بنات وانا باقي ما خلصت , ان شاء الله اكون من المقبولات وكل من قال آمين