كيفكم بنات .. انا كنت اتابعكم بصمت وقرأت كل الصفحات لكل تجمع واستفدت منكم جزاكم الله خير ووفقكم يارب اليوم كانت مقابلتي في جدة باحث قضايا.. اول ما دخلت كان في واحد اعطاني رقم بعدين طلعنا فوق في اثنين حريم طابقو لنا الهوية وبعدين وزعونا على القاعات .. انتظرت شوي وجا دوري ركبت السماعة قالتلي المشرفة قولي السلام عليكم عشان يعرف الشيخ انك جاهزة قلت السلام عليكم.. قال وعليكم السلام .. * سألني عن رقم السجل المدني ..قال فلانة قلت نعم * قال تكلمي عن نفسك وبدأت اتكلم ... فجأة قال السؤال صعب ؟؟!! قلت جاوبت !! قال ما سمعت .. عيدي وارفعي صوتك.. المهم اتكلمت عن التخصص والمعدل وسنة التخرج والجامعة الي اتخرجت منها وايش سويت بعد التخرج * قال ايش سويتي بحث في الجامعة ؟ قلت بحث في آية الخمر في سورة المائدة .. قال اتكلمي عنه باختصار * بعدين سألني ايش ممكن تقدمي للديوان؟ قلت له حسب الوظيفة والمهام الي راح امسكها قال ايش الوظيفة المقدمة عليها قلت باحث قضايا * قال ايش الشي المميز فيك غير عن كل المتقدمات ؟؟ قلت ما اعرف عن المتقدمات لكن انا دايما اشتغل اكثر مما استطيع واحمل نفسي فوق طاقتها واعتبر هذي نقطة سلبيه فيني * قال افتحي برنامج الوورد واكتبي اسمك رباعي وخليه في الوسط وكبري الخط بعدين قال اقفلي الوورد... انتهت المقابلة الحمدلله الموضوع جدا سهل .. أسهل مما كنا نتخيل والشيخ صوته كان هادئ ساعدني على الهدوء وعدم الارتباك الله يجزاه خير يا بنات الهدف من المقابلة هو تكوين انطباع عن شخصيتك واختبار لثقتك بنفسك وليس اختبار لحفظك جاوبو وحاولو تكونو هاديين لا ترتبكو .. والله يوفقنا واياكم