السلام عليكم ورحمة الله وبركاته
انا امس كانت مقابلتي بابها على باحث شرعي
والحمد لله تيسرت
حضرت قبل الموعد بنص ساعه انتظرت ربع ساعه بالانتظار جنب المصلى وبعدين وزع علينا الموظف أرقام
بعدين كلمت زوجي يطبع لي النموذج من عند الرجال و يوقع عليه و أعطاني النموذج وبطاقة العائلة وطلعت على الدور الثاني كان في رجل يشوف للنموذج و بطاقة العائلة وبعدين نوقع على ورقه ويرشدنا للقاعه اللي فيها المطابقة وكان في موظفتين من هيئة الرقابة ماشاء الله قمه في الأخلاق
بعدين طابقنا موهلاتنا مع النموذج على الفكره المطلوب منكم إثبات الهوية وصور من مؤهلاتكم للمطابقة
ولما جاء دوري دخلت لمكان المقابله وكانت معي موظفه
جلست على مكتب عليه كمبيوتر و حطيت السماعه والمايك زي المسن
سألني عن اسمي و السجل المدني
بعدين قالي أعطيني سيرتك الذاتية
وسألني عن خططي المستقبلية و عن موقف فقدت أعصابي فيه
بعدين بدا الجد
سألني ماهو اختصاص ديوان المظالم ?
ولماذا قدمتي عليه ?
وسال اذا كان في مواطن بيشتكي شركة الكهرباء هل يشتكي على ديوان المظالم
انا قلت له نعم يشتكي على المظالم قالي مو الكهرباء شركه
انا هنا تورط بس لازم ارقع مافي أترجع
قلت له وإذا شركه الدوله تملك أكثر من ثلاث اربع أسهمها يعني تعتبر شبه حكومي
سال واحد ثاني قالي متزوجه قلت له نعم
قال عندك أبناء قلت له نعم
قال وكيف بتوفقي بين عملك والبيت اذا توظفتي
قلت اني تزوجة وأنجبت وانا طالبه بالثانوي ومع كذا قدرت أوفق بين دراستي وحياتي
قالي كيف
قلت بترتيب و تنظيم وقتي حسب الأولويات والحمدلله وفقت
سألني وكيف أقنعتي زوجك
ردت ان زوجي شخص واعي ومتفهم
قالي افتحي الورد واكتبي اسمك رباعي وكبري الخط
بعدين قالي خلاص انتهت المقابله