السلام عليكم
بما اني استفدت منكم لازم أرد الجميل
والله يوفقنا واياكم ويختار لنا ولكم الصالح
أول شي جيت بدري الساعة 3 وطلب مني الموظف النموذج اللي طبعته وقدم لي واحد مثله تقريبا ومعه شهادة الدورات لأن دوراتي ماطلعع على النموذج .. واعطاني رقم ..
بعدين انتظرنا تقريبا ساعة ونادوا العشرين الأول وكنت معهكم دخلنا قسم النساء وطلبوا نشيل الغطاء وطابقوا اوراقنا وبصمونا على الورق 
ولازم يابنات تجيبون بطاقة الاحوال الخاصة بكم أو بطاقة العائلة .. جواز السفر مايقبل وحده قدامي قالوا لها كذا ..
انتظرنا بعدها تقريبا دقيقتين في صالة ثانية ..
بعدها نادوني ودخلت لقيت البنات كلهم يقرقون على الأجهزة .. شات علني 
خخخخخخخخخخخخخخخخخخ
المهم جلست انتظر اللي قدامي تخلص مقابلتها ماشاء الله استفدت منها ..
المهم جا دوري وجتن النفاضة وفامت المراقبة تضحك علي ..
لبست السماعة وسلمت وعطيت الشيخ اسمي .. ورقم السجل المدني ..
وسألني عن قسمي وبما أني قسم لغة عربية سألني عن أقسام الكلمة ومن أول من نقط الحروف وماهي الدورات اللي أخذتها .. وماهي عناصر الخطاب وياشيني على بالي سؤاله مو اللي درسته وحست الدنيا
وسألني لو مشرفتي شقت الخطاب اللي سويته خخخخخخخخخخخ شكلي جبت العيد صدق
قلت بتقبل الموضوع وبرجع أسلها كيف أسويه أو أسأل أهل الخبرة أو أبحث بالنت ..
وقال اكتبي وماتوفيقي إلا بالله
بأي مقاس وأي خط اخترت على هواي
وبس قضت المقابلة اللي مسوين عليها ألف موضوع وسالفة وهواش ومدري وش خرابيطكم اللي حومت كبدي وكرهتني الموقع من خرابيطكم اللي مالها سنع ..
أوصيكم بالركادة
الركادة
الركادة
وترى الدنيا مارح توقف على هالوظيفة أو غيرها اللي جابها يجيب غيرها وأبرك منها ان شاء الله بس وسعوا صدوركم وروقوا واشربوا كاس لموناده بالعافية
ومضة :
عن إبن عباس قال : كنت خلف رسول الله صلى الله عليه وسلم يوما فقال :" يا غلام ! إني أعلمك كلمات احفظ الله يحفظك احفظ الله تجده تجاهك إذا سألت فاسأل الله و إذا استعنت فاستعن بالله و اعلم أن الأمة لو اجتمعت على أن ينفعوك بشيء لم ينفعوك إلا بشيء قد كتبه الله لك و لو اجتمعوا على أن يضروك بشيء لم يضروك بشيء إلا قد كتبه الله عليك جفت الأقلام و رفعت الصحف . ”