المشاركة الأصلية كتبت بواسطة عادل العيسى

السلام عليكم ورحمه الله وبركاته
بحمد الله اليوم كان موعدي وسويت فحص النظر والطول والوزن والعظام وتم قبولي ولله الحمد . ولكن فيه بعض النقاط اللي شفتها
اولا معامله بعض العسكر للطلبه غير لائقة وطريقة الفاظهم لازم تتحملونهم . بالنسبة اول ماتدخلون المركز يستقبلكم الباص ينقلكم للمبنى داخل يجلسونكم على مصلى
ويبدأون ينادون بالاسماء حسب الابجديه وبعدها تطلع الدور 3 تجلس يوزعون علبك اوراق م تكتب فيها غير اسمك وشهادتك بس لاتكتب وزنك وطولك عشان ما يتكلمون عيك بعدها بالدور لما تدخل على الوزن فيه كثير ناس رسبو بالطول والنظر قدامي . بالنسبه لدكتور فحص النظر هم اثنين واحد ابيض يلبس نظارة والثاني اسمر . الاسمر معقد. المهم بعد فحص النظر يوقع العقيد وتوديها للرقيب يستلم الملف ويسجل اسمك يعطيك كرت موعد للمقابله بعد اسبوع اذا نجحت بالمقابله يعطونك اوراق الفحص .

موعدي11/17 مقابله . بس ابي اعرف وش مقابلتهم الاسئله تحديدآ ياليت اللي عنده اجابه يفيدني ولكم الشكر