|
محتاج وظيفه حكوميه او خاصه
بسم الله الرحمن الرحيم
الحمد لله رب العالمين والصلاة والسلام على اشرف الأنبياء والمرسلين نبينا محمد علية أفضل الصلاة وأتم التسليم أما بعد.
انا شاب معي شهادة الكفائه المتوسطه درست في الثنويه التجاريه سنتين وصارت لي ضروف وما كملت . وضطريت اشتغل اي شغله اعيش عليها وصرف على نفسي من غير ممد يدي لحد . اشتغلت حول 8 سنين في الحراسات الامنيه متنقل من شركه لي شركه بسبت ضعف الرواتب وضغط العمل لين ما تدهورت حالتي الصحيه بسبت ضغط العمل على وش على راتب 1500 . وللحين انا اشتغل حارس امن وصارلي في الشركه هاذي حول الاربع سنين ومكمل السنه الخامسه معهم . محتاج وظيفه في قطاع حكومي عشان اقدر اعيش بضروف الحياه والغلا المعيشي الي عندنا . اتمني تساعدوني في الحصول على وظيفه حكوميه او في شركه تقدر المواطن وماتاكل حقوقه . عمري 28 سنه ولاني قادر اشتري سياره اروح فيها العمل ولاقادر اتزوج وفتح بيت ولا قادر اخذ قرض من بنك يتحججون علي بي اني موظف في شركه ومهو مسموح بي القروض لنا. الراتب كله يطير في المواصلات والاكل والشرب . والله تعبت نفسين زاد وزني صار 160 بسبت ضغط العمل . اتمني منكم يا اهل الخير يا اهل الكرم والجود والفزعه انكم تساعدوني في الحصول على وضيفه حكوميه او خاصه تكون اهم شي شركه مريحه وما تاكل حقوقنا . ونسئل الله سبحانه وتعالي ان يوفقني ويوفقكم كلكم ون شاء الله تتحسن امورنا يارب ونتوظف . ونرتاح من الشركات الي تاكل حقوقنا لا اجازات ولا زيادات ولا حوافز ولا لك حتى حقوق عندهم تشتغل براتبك الشهري ولا خلص العقد استغنو عن خدماتك . نسئل الله التوفيق للجميع لي ولكم اخواني واخواتي .
واتمني من كل شخص يقدر يساعدني لا يبخل علي .
وشكرن .
اخوكم ابو عبدالله الحربي
التعديل الأخير تم بواسطة توتي العوفي ; 14-09-2013 الساعة 05:53 PM
|