انا اليوم كانت مقابلتي بجدة سكرتير

بصراحة ماحبيت اكتب تجربتي لأنه احرجني كثير الشيخ ... لكن مو كل الشيوخ زي بعض
كانت لجنتي 1

سألني عن دوراتي كانت من ضمنها شهادة معتمدة من كندا قال بما انك قلتي كندا اين تقع عالخريطة وكم مساحتها وماعاصمتها
جاوبت اللي اعرفة بس كان فيه اغلاط وبالنسبة للمساحة قلتله مااعرف والله المساحة ...
سألني ايش اخر كتاب قرأتة قلتله كتاب لتعلم الانجليزية كلمات وجمل مترجمة قال هاتي اخر جملة قريتيها

طبعا كنت متوترة قلت الكلمة غلط قام صححها ... بس بصراحة كان صعب شوية وبعدها قال بطلب منك 5 طلبات مرة وحدة اطلبها ركزي فيها واللي تفتكريه نفذيه قلت طيب
قال افتحي الوورد اكتبي بسم الله ووسطيها وعرضيها ولونيها وكبريها وسطريها
قمت كتبتها بسرعة ونفذت الطلب قال ماشاااااااءالله وفقك الله

بس بصراحة طلعت ودمعتي على خدي والله مو عشان الوظيفة كلها بيد الله بس من الاحراج لاني ماجاوبت كويس عن كندا وهي معلومات عامة والله اني الحمدلله مثقفة بأشياء كثير بس على حظي سألني دي الاسألة وانحرجت منه كثيييييررر

اذا كان التقييم على هذي الاسألة ... الله يعوضني خير ويوفق كل وحدة تستاهل الوظيفة امين يارب