المشاركة الأصلية كتبت بواسطة إلى الله سرنا

اختي ,, فيدكس هو مكان تروحين له وتعطينهم ملفك ويوصلونه هم للجامعه بس انتي عطيهم عنوان

الكليه اللي تبغين تقدمين عليها وهم يرسلونها لك ,, لكن روحي بكره الصبح بدددري عالساعه 8

علشان يمدي ملفك يوصل يوم الاربعاء الصبح في اخر يوم للتقديم قبل يقفل . لالازم الصبح بدري

اول شي ادخلي على موقع الجامعه الالكتروني ,, وبعدين ادخلي على صفحة الكلية اللي تبغين تقدمين فيها وبعدين روحي لكلمة ( اتصل بنا )

واذا كان للكلية عنوان بتلاقينه مكتوب ,, وانسخيه عندك واخذي ملفك واخذي عنوان الكلية

وروحي لفيدكس اللي هو مثل البريد الممتاز ,, هو مكان يوصل اوراق واغراض بين المدن والمناطق

دوري في مدينتك اللي انتي فيها عن فيدكس او وقفي اي تاكسي وقولي له يوديك لأقرب فيدكس عندكم ,, واذا وصلك هناك عطيهم ملفك وقولي ابغى ارسله لعنوان هالكليه في مكه المكرمه

وعطيهم العنوان اللي اخذتيه من موقع الجامعه وبسس ,, وهالشغله تاخذ عليك 100 ريال

وقولي ابغى الملف يوصل خلال 24 ساعه يعني الاربعاء الصبح يكون وصل للكليه

طبعا لالالالازم وضروري جدااا تروحين بكره الصباح بدري علشان يمدي يرسلون الملف ويوصل

وهم راح يعطونك ايصال او ورقه مكتوب فيه رقم تحت ,, والرقم يوم الاربعاء االصبح تدخلين على موقع فيدكس على النت وتدخلين الرقم هذا في البحث ويوضح لك هل ملفك وصل ولالا

ان شاء الله انك فهمتي علي

الله يوفقك يارب وييسر امرك وطمنيني وش يصير معك