بوسطن
جزاك ربي الجنة ورزقك من حيث لاتحتسب
حالمة
الموضوع حسب كل جامعة
يعني مااقدر افيدك بالضبط
لكن أقولك جربي كذا طريقة لعل وعسى
جربي ترسلين احد يروح للجامعة لعمادة شؤون الطلاب او انت اتصلي عليهم .. اظن عندهم قسم للايجار او الاستثمار او صندوق الطالب
عاد مدري كل جامعة وش تسميه
خليه يحاول معه لو على اسئجار مساحة صغيرة
او روحي لفروع الجامعة حاولي مع المسؤولة (الوكيلة أو العميدة)
واذا معك دراسة جدوى قدميها لهم حاولي تقنعينهم بمميزات مشروعك
واغلب الجامعات تأجر الاماكن عندها بعد طرح مناقصة
ودخول المناقصات يحتاج يكون عندك سجل تجاري اظن ومدري ايش
جهزي ملف فيه صورة سجلك التجاري وورقة فيها وصف مختصر للمشروع واكتبي رقم للتواصل معك
وخليه عند شؤون الطلاب + المشرفة المسؤولة بفرع االكلية
** خلي في بالك دام انك تبين تفتحين مشروعك عشان تبعدين عن الاختلاط وترضين ربك .... راح ربي ييسرها لك سواء تفتحين بجامعة أو مشروع ثاني
احتسبي الاجر .. ماتعبنا غير الاختلاط حسبي الله عليهم 
وإن شاء الله اذا قدرت استاجر علمتك وش الطريقة اللي ضبطت معي