[align=center]


السلام عليكم ورحمة الله و بركاته

اليوم كانت مقابلتي : كاتب سجل ع المرتبه الرابعه في الدمام

أول ما تدخلين المحكمه على يدك اليمين فيه كاونتر تأخذين رقم بعدين يقولك روحي للإستقبال على يدك اليسار تلاقين كاونتر ثاني هو الإستقبال يطبعون النموذج و يدبسونه مع النموذج اللي معك
بعدين تدخلين الغرفه اللي خلف الإستقبال و تنتظرين لين ما ينادون على رقمك..
بعد ما ينادون عليك تطلعين و تروحين لقسم النساء في الجهه المقابله لغرفة الإنتظار..
أول ما تدخلين لفي يسار في وحده مره عسل و حبوبه قاعده ع المكتب روحيلها و اعطيها النموذج و بطاقتك الشخصية للمطابقه
بعدين روحي انتظري في الصالة اللي جوا لين ما ينادون على رقمك

بعدين تدخلين في غرفه فيها مكتبين و مراقبتين تجلسين و تلبسين السماعات و تبدأين المقابله

مقابلتي كانت كالتالي :

طبعا مثل كل البنات سألني عن السجل المدني و اسمي
بعدين قالي افتحي الوورد و اكتبي

( قررت المحكمة الفصل بين الزوجين بمبلغ قدره 50 ألف ريال )

سألني عندك ملاحظه على هالجمله ( أنا طبعا ما فهمت إلا بعد ما سألني ايش تخصص المحكمة الإدارية)
و اللي فهمته انو المحكمة الإدارية مو متخصصه في الفصل بين الأزواج - تخصصها في العقود التي تكون الإدارة جهه فيها.. ما أعرف المعلومه صح أو خطأ

و سألني ايش تعرفين عن ديوان المظالم؟

بعدين قالي تكلمي عن نفسك و مهاراتك و خبراتك ؟
تكلمت عن كل شي أعرفه في الحاسب و قام يسألني عن كل نقطه قلتها ^_^ بس الحمدلله أنا في الكمبيوتر ممتازه و جاوبت عليه

و أخيرا قالي ايش راح تقدمين للوظيفة ؟

و تمت المقابله على خير بس كنت مرتبكه مع إنو كان عندي خبره في المقابلات

و أتمنى لي و لكم التوفيق بإذن الله



على فكره أول ما طلعت من القسم النسائي لقيت الملاحظه هذي و قلت أنقلها لكم

سوف يتم الإعلان عن النتائج بعد عيد الأضحى المبارك على الموقع الإلكتروني لديوان المظالم

https://www.bog.gov.sa





[/align]