اقتباس:
المشاركة الأصلية كتبت بواسطة ريان علي
الله يوفقكم جميع وعلي راسكم صاحب الموضوع كلكم فيكم الخير والبركة
انا من المدينة عندي دينه لها قريب سنة وماشتغلت فيها كثير واحس اني متورط ابي اتشغل فيها واطلع منها لو شهريا 3000 ماني طماع بس ياليت تفيدوني وتنقذوني لاني يمكن ابيعها اذا استمريت علي هذا الوضع للمعلومية في تهاون مني وبرود ارجوكم حمسوني
|
هلا حياك اخوي
اذا كنت متفرغ فالشغل موجود ولا تشيل هم
وقف الدينة باسواق الاغنام وبالشوارع اللي تكثر فيها محلات الاثاث
وسجل رقمك على الدينة
يجيك كل يوم او اثنين مشوار وتطلع بالراحة 4000 ريال اقل تقدير
مشكلة الدينات بالوقت الحاضر ان التاجير صعب لان النظام الان محارب الاجانب اللي يستاجرون ويشتغلون
لاكن اذا الدينة مستمرة عندك
انا عندي عقد كل سنة 8 اشهر بدفعة مقدمة كل بداية شهر الاجار حسب الموديل ونظافة الكفرات والمحركات من 2000 الى 3000 ريال بالشهر
العقد يبدى من شهر 4 حتى شهر 12 كل سنة الزيت يتغير كل شهر والسيفون كل 3 اشهر
الشي الثالث
حاول تاجر الدينة عندك بالمدينة على شركات المشاريع
والفنادق
كون لك زباين في البداية وبعدين ترتاح
ركز على محلات البناء
ومحلات الاخشاب والحديد
ومحلات المفروشات وزع رقمك على كل المحلات ذي
اذا رغبت بالعقد الي ذكرت لك راسلني خاص
والله يرزق الجميع