أنا مقابلتي كانت اليوم على وظيفة كاتب المرتبة السادسة بجدة
وقت اختباري 4.30 ، تخصصي عربي ..
اللجنة رقم ( 1 ) ، والغرفة رقم ( 3 ) ..

+ كل شيء كان مرتب ومنظم ، النآس اللي بتقابليهم ذوق ومحترمات ،
لآتنسو حاجة مهمه تزبطو شعوركم قبل تفتحو الغطاء ، لأنو اليوم خلتني أفتح الطرحه
حقتي وشعري مو مزبّط ،

+ إستقبالهم شيء ممرآ حلو ، إنبسطت من الكابتشينو اللي حاطينو جاء بوقته هههه


نجي للمقابلة الجممميلة مع الشيخ الأروع والأجمل :-

* بعد ماقلت السلآم عليكم ورد السلآم ، سألني عن السجل المدني ..
الغريب انو كان بيقطعني وبيرجع يقولي عيديه وشويا يقول بشويش لو سمحتي قوليه
وشويا يقول بسرعه ، * أنا ممرآ كنت عادي ونبرت صوتي ماتغيّرت وكل ماقال عيديه قلت أبشر
أو أوك ، وممرآ إبتسمت

* قال لي تحدثي عن نفسك طبعاً قلت كل حاجه بس نسيت ما أقول إيش هوَ
تخصصي ، مدري شكلو ارتبكت او شيء زي كدا

* قال لي ايش هو ديوان المظالم وايش هي إختصاصاتو وتكلمي عن القضاء الاداري ..

* قالي أفتحي الوورد وقال لي دي الجملة ( الآلية التنفيذية لمحاكم الإستئناف الإدارية 1433 هـ )
وسطيها ، كبري الخط 25 لونيها واقفلي الوورد بدون مآتحفظي العمل ، وقلت طيب وسويت زي
ماقالي ،

* قال لي بالتوفيق ، قلت شُكراً


+ آبغى دعوآتكم يآبنات أنا أنسسانه محتاجة للوظيفة دي أكتر من أي أحد ،
عندي ظروف الله أعلم بها ،

* وترى مآتحتاج لكل هالخوف والقلق اللي سويناه لأنفسنا ، أخيراً توكلو على ربي ،وَ موفقآت حبآيب قلبي -