اقتباس:
المشاركة الأصلية كتبت بواسطة تعبت احلم
لكن اغلب الشركات ترفض انك تثبت وجودك
انا بقولك من فتره كنت موظفه بشركه دهانات كان الشغل تنفيذ كتلوجات
اول ما قدمت ملفاتي سألني المدير .. انتي تعرفين تصممين قلت نعم وأرسلت له تصاميمي مع المشرفه طبعا انا ومجموعه من البنات
أرسلنا تصاميمها
ومره فتره نشتغل تنفيذ الكتلوجات يعني تقول ٤ شهور
وبعدها عملت معانا اجتماع احنا بنات التصميم وقالو من بكره جيبو أجهزتكم وصممو هنا اذا حسبنا أنكم فعلا جادات بنفتح قسم تصميم
وفعلا هذا اللي صار كلنا جبنا أجهزتنا وصرنا نصمم وننفذ كتلوجات بنفس الوقت
يوم عن يوم بدأت المشرفه تطالبنا بنتاجيه كبيره في تنفيذ الكتلوجات يعني من ٣٠ إلى ٤٠كتلوج
هذا من غير التصميم طبعا ما قدرنا لانه شيء تعجيزي أنهم يساوونا بالبنات اللي ما عندهم تصميم
المهم كلمنا المدير بخصوص الموضوع .. وش تتوقعون الرد قال لا انتو مو جادات وخلاص بنأجل التصميم بعدين راجعو للكتلوجات
(هذا التصرف بحد ذاته ينرفز )
قلنا اوكي دام يتاجل نصبر شوي المهم وسحبو علينا ٣شهور
بعدين قالو خلاص راجعو جيبو أجهزتكم وصممو بس ..بصراحه فرحنا لانه أعطانا امل انه بنفتح القسم
طبعا قال بنديكم دوره في التصميم اذا حسينا أنكم جادين ومن ها لكلام اللي يحمس
طبعا صمنا وكان كل مره تتطور تصاميمها للأفضل
والمشرفه والمدير يقولون ماشفنا شيء يعني تصاميم كم عاديه مكررة ومن ها لكلام الي يحبط
عكس كلا مدير الدعاية والإعلان كان يمدحنا بس هو ما له كلمه
طبعا انا طالبه عن بعدلمى قربت امتحاناتي نادوتني المشرفه وقالت انتي لازم تصممين خلال أسبوع ٥ شعارات لكتلوج
واذا ما عرفتي بيستبعدونك .. المهم اني عرفت أنها تبي تضغط علي .. كان الوضع عندي عادي جدا وصممت ال٥ في اقل من أسبوع
كان الرد من المشرفه انك صمتي اي كلام
بعدها قدمت ع أجازه الامتحانات وكلمت المدير قال تدرين انه ممنوع تطلعين أجازه انتي ومجموعه من البنات بنفس الوقت
قل له مكتوب في العقد أنكم تعطون أجازه امتحانات .. رد وقال انتي ما عندك ولاء للعمل
لكن بعدها أعطاني أجازه
بعد الامتحانات الغو فكره التصميم نهائيا .. ما ادري وش السر لكن اللي اعرفه أنهم ظلمونا كثير
في أحداث كثيره بس حاولت اختصر وسوري كثرت الكلام لكن للتوضيح
انو ماهما كنا مبدعين ما بيعجبهم الا الأجانب فقط
|
والله كلام الاخت تعبت احلم صحيح مهما عمل السعودي مهما تميز لابد ان يظلم .. انا تعرضت للظلم قبل 12 سنه لما اعطيك الشركة فكرة تدخل لهم ذهب وكانت في مجال المباني مسبقة الصنع عرضتها على المدير الفلسطيني قال ( يازلمه هاظ حكي فاضي ) لكن كلامه ما احبطني تعبت وسويت دراسات وطلبت اقابل المدير العام ( الشيخ ) وبعد اسبوع قابلته لانه كان في فرع الشركة الرئيسي وما يستقبل الا ( الشيوخ ) بعد محاولة وافق سكرتيره المصري بعد ما عرضت عليه عزيمة غداء في مطعم فاخر .. وقابلت المدير اللي كان ينظرلي نظرة دونية .. سلمت عليه واعتذرت اني اشغلته وبلغته اني في قسم المباني مسبقة الصنع وعندي فكرة .. قالي بكل برود ما عرضتها على المهندسين ومديرك ؟؟ قلت له ما عجبتهم فكرتي .. قال يعني مالها داعي تعب نفسك وتشرحها لي ؟؟؟؟
قلت له معليش بس اسمعها مني وانت قرر .. قالي تفضل وكان يوقع اوارق وماهو معطيني بال .. المهم بديت اشرح بحماس واوريه عرض حتى بداء يهتم شوي .. وقتها حبيت ادخل في الربح المادي وسهولة الصنع والتكلفه .. قام جلس جنبي وقال فكرتك ممتازة ليش ما وافقوا المهندسين ؟؟ قلت يمكن طال عمرك لاني سعودي .. قال لا لا لا انتم كذى تفكيركم .. بكرة تعال وجيب كل اوراقك وعروضك في صالة الاجتماع ..
اليوم الثاني جيته وانا احس بنشوة الانتصار وانهم بيسعمون لي .. وفعلا بداء الاجماع وكانوا المدراء الاجناب والمهندسين ينظرون لي كاني بقطع رزقهم .. واوال ما بديت عروض البور بوينت انهالت علي الاسئلة من المهندسين كانهم يبون يحمطوني ولكن الحمدلله الله نصرني عليهم وكانت اجابتي مقنعه للمدير .. وفعلا اعتمدت فكرتي .. واول مشروع نفذته الشركة كان الربح 44 مليون وانا تحولت من مندوب مشتريات ؟؟؟ الا مندوب مبيعات ؟؟؟ ولا زاد في راتب شي كان 2800 ريال واقل موظف اجنبي كان 4000 ريال .. واهملت واخذوا مشروع ثاني بنفس فكرتي فوق 100 مليون .. وانا كاني مجرد اسم حتى يستكون وازرة العمل .. كنت اقدر اطور الفكرة كثير وراح تجني ارباح اكثر .. لكن تحطيمهم لي خلاني اترك العمل خصوصا بعد محاولات اقابل المدير مرة ثانية لكنه يرفض بحجة انه مشغول يفكر اني بطالبة بحقوق فكرتي .. بعدها اتجهت لوظيفة حكومية خدمت فيها الان 10 سنوات وراح استقيل ان شاء الله مع بداية السنه الجديدة وراح ابداء اشتغل لنفسي وافكاري لنفسي .. واسال الله انه يوفقني ويوفق كل مجتهد ظلم .. اعذروني على الاطالة .