بااااك بعد 39 يوم في مركز تدريب العوالي

العن مركز واسوء خدمات واخس معامله واخس اجواء وشموس

والله يا دخلنا مركز قذر بمعنى قذر دورات مياه قذره مويه تنقطع علينا وخذ من المعاناه والزحمه والمشكله مايقدرون المركز ولا يعطونا وقت نتوضأ ولا نتروش اساسا مايمديك تتروش اول شيء مافيه مويه وثاني شيء مافي وقت يفكونا 10 الليل ويعطونا نص ساعه هاذي يادوبك تغيير ملابسك ولا تغسلك لبس وعلى طول دق البروقي حق النوم

والله ياملعنة والدين اغماءات يوميا حالتين بالقليل من الجمس وجزاوات جماعيه تصليبه ساعه وخذ من الي يطيحو في الميدان ولايشيلوهم ويجيون يكلمونه ببرود وبابتسامه عيال الكلب الباكستانيهاذا بكى صدقوه وخلو واحد من الطلبه يشيله ويوديه العياده ... قلوبهم حجر الله ينتقم منهم

عالم انكسرت رجولها من الجزاء وتجبرت واخذ راحه 6 شهور ولا خلوهم يروحو لاهاليهم قعدوهم معانا في الشمس بالعربي والعكاز مو واحد ولا اثنين ولا ثلاثه حوالي 10
الاستقالات من مركزنا 12 واحد او اكثر
يارجال واحد اغمى عليه في الشمس طاح عالازفلت انحرق وجهه(لو بيسوي عملية تجميل لوجهه بتكلفه مالايقل عن 50 الف ريال) بعدين شالوه ولو طاح واحد جنبك وجيت تبي تشيله يلعن خامسك المدربين يقولون(خلي موت) والله يا النفسيه زفت بس الحمد لله على كل حال

4 حصص صباحيه وتكميل بعد الظهر ربع ساعه وراحه ساعتين في المسجد اذا سلمت من طابور الاضافه الي على ولا شيء وبدون سبب ممكن تلاقيهم ينادو باسمك ويرفونك 45 دقيقه كااااااااااامله بدون رحمه في عز الجمس اتحرقت ايادينا وطلع الدم وانحرقت اكواعنا وركبنا وصدورنا والله لايوفقني اذا بالغت في شيء ياجماعة الخير (( ولا دورة صاعقه دورة مكه) !!

وبعد الساعتين الي هي راحه في المسجد ماتنام ولا تسوي شيء تصليبه ساعتين بدون كلام وبدون حركه لازم نقعد في الاربع الصفوف الاولى وبدون كلام ولا طابور اضافه في الليل واذا نمت في المسجد 3 ايام طابور اضافه وعندنا حصتين في العصر وحصه بعد المغرب هاذي 7 حصص يوميا غير تكميل الغداء والعشاء ياخذ ربع ساعه تكميل و5 دقايق الين تخش الميز طوابير

شمس شمس شمس وهواء حااار والله ياتصلخنا سرنا لونين حساسيه وتصلخات واغماءات وتكسير

واكل سيء ماينأكل ورب البيت ماينأكل في الاسبوع وجبه ولا وجبتين الي تنأكل عالعشاء اما باقي الايام سيء محد ياكل نقضيها فطاير من البوفيه سيئة الذكر حتى فطايرهم يارب ديم النعمه برياليلن الفطيره ونوع سيء مايقدرون يجيبون لوزين مثلا؟؟


باقي المراكز احمدو رببببببببببببببببببببببكم والله يا انكم في نعمه

هاذا وانا طالع اجازه وانهيت اصعب مرحله في الدوره الا اني والله شايل هم اول يوم احضر فيه للمركز بعد 5 ايام لان عندنا انتداب في الحج والله النفسيه سالب 100 بس الحمد لله على كل حال