السلام عليكم

كيفكم بنات ان شاء الله بخيرررر

انا دخلت بس عشان اكتب لكم وش صار معي بالمقابله قبل شوي وتوي رجعت

مقدمه على كاتب سجل بالرياض

الجو مره جميل وتنظيم مريح جددا

وصلت الساعه ثلاثه ونص ومقابلتي الساعه ٥ اول مادخلت اخذ رقم السجل المدني ثم سحب لي نموذج الطلب واعطاني الرقم وكان رقمي ٣٤ وجلست بصاله لمده ٢٠دقيقه ثم انتقلت لصاله داخليه فيها نساء وطلبوا نكشف وننزل الطرحه ثم طابقت البيانات وكان معي جوازي لاني مامعي بطاقه شخصيه ثم طابقت الصوره وختمت على نموذج الطلب وبعد رجعت وجلست تقريبا ٥ دقايق ثم نادت على رقمي ودخلت صاله فيها مكاتب واجهزه واخذت رقمي ونموذج الطلب وسجلت اسمي بمذكره صفراء ثم طلبت مني اجلس على المكتب واحط السماعه واسلم وتبدا المقابله

وضعت السماعه وقلت السلام عليكم ورد علي وبعدها طلب رقم سجلي واعطيته وذكر لي اسمي وقلت له نعم ثم قال تكلمي عن نفسك مؤهلاتك وخبراتك وتكلمت وبعدها صار يناقشني عن سبب عدم دخولي الجامعه وما الى ذالك ثم قال وش تعرفين عن ديوان المظالم وبعدها قال لو زميلاتك ماادت مهام الوظيفه الخاصه بها وطلبت منك المدير انك تقومي بها انت وش راح يكون تصرفك وبعدها طلب مني اكتب على الجهاز
بسم الله الرحمن الرحيم
المحكمة الإدارية

وبسس

الله يوفق الجميع يارب

وحابه اقول بلاش توتر لانه بجد سهله وبسيطه ومركزين اكثر الموظفات على العبايات والشعررر

الله يووفقكم