اليوم تم الاتصال بي عند الساعة 10.45 صباحا

وقالولي مقابلتك اليوم الساعة 2 الظهر

قلتلهم محد قالي ولاارسلتولي ايميل ولاشي , كيف اجيكم وانا في عملي ومااقدر اتركه

قالولي مقابلتك اليوم الساعة 2 تبي تجي اهلا وسهلا

استئذنت من الدوام بالقوة ورحت ( على ملا وشي ) زي مايقولون

كانو طالبين مهندس ميكانيكي وجيت صالة كبيرة مافيها غير انا وواحد زميل اخر مااعرفه

دخل قبلي واخذ مقابلته بالضبط 5 دقايق

دخلت انا بعده وقابلني شخص كويتي واخر سعودي قالولي انت عارف ان الوظيفة في الكويت قلت لا

قالولي طيب وش تعرف عن الملكية الفكرية , صراحة ماعرفت

قالولي ماسالت نفسك ليش نبي مهندس ميكانيكي في الملكية الفكرية ؟

قلتلهم ابدا مااعرف افيدوني , قالو نبيك تدرب اشخاص على شي معين في الميكانيكا

وانت خبرتك شركة خاصة واحنا نبي خبرة حكومية

وبالاخير بالحرف فرصتك ضئيلة بالوظيفة

رجعو قالولي الله يوفقك

ومع السلامة

والسلام ختام

وموفقين ياشباب

نصيحة ياشباب اقراو عن المتطلبات ترا انا رحتلهم وقلت وانا صادق ناسي تقديمكم وش تبون

انا مركز على هل تخصصي مطلوب او لا , ماقريت اي شي عن ملكية فكرية

خلوكم جاهزين لانهم بنفس اليوم يمكن يدقون عليكم عشان المقابلة تصير

وبالتوفيق للجميع

واسف ع الاطالة بس حبيت اشاركم اللي صار معي بالتفصيل الممل