حبايبي انا اليوم كانت مقابلتي ف العلا قسم الفيزيا .. كانوا 3 دكاترة رجال مصريين ووحدة دكتورة سودانية في تخصص الفيزياء النووية .. يعني سألوا كل بنت اسئلة مختلفةةة تماماً عن التانية اتشاركنا بس في كذا سؤال الأسئلة عموما كانت كويسة .. اهم شي ماتسكتي وو تكلمي واذا ماكنتي مذاكرة شي معين قولي بكل ثقة انك مااستذكرتيه واذا ناسية او ماتعرفي برضو جاوبي ولاترتبكي عادي قولي ما اعرف اهم شي الثقة بالله ثم الثقة بالنفس مرةةة كوني طبيعية صوتك واضح انطلقي ف شرحك الحاجة الي يسألك عنها وانتي عارفتعها وفاهمتها مزبوط اعطي السؤال حقو ف الاجابة .. في حاجة قالي عليها دكتور منهم سألني عن خبر اطلاق نوع من الليزر من سطح الارض لسطح القمر قلت لو انا اسمع اخبار بس ما سمعت عنو قلي ما سمعتي يعني قلتلوا لا المهم هوا شكلو بيختبر هل حكذب عليه وأقول ايوا او لا لاني سألت كذا وحدة قالوا ماسمعنا ورجعت سألت ناس تانيين برضو قالوا لا.. وبس ياجميلات أوكلوا أموركم لله وثقوا بالله ثم بقدراتكم ولاترتبكو خلوكم طبيعيات اذكروا الله كتيررررر مرة وصلوا ع النبي كتير وحاولوا تاخدوا نفس عميق البنات الي يدخلو المقابلة ويخرجوا لا تخلوهم يأثروا عليكم او يشتتو تركيزكم خدوا من البنات الإيجابيات طاقة وريحوا نفسكممم ولو لكم رزق فيها اخدتوها بدون والتعب ولاشي ولو مالنا رزق معناه لنا فمكان تاني ان شالله ..