الموضوع باختصار انا من اول دفعه للاحوال المدنيه

الي سأل عن الدوره والراتب وطريقت الشغل

بسم الله

الدوره : اخذتها سنه وثلاث شهور سنه دوره عسكريه و3 شهور مركز المعلومات بنادي الضباط



الراتب : ضعيف ي شباب الجندي : 5400 وجندي اول 6400


طريقت العمل : مثلك مثل المدني اذا تخرجت يعطونك يوزر وتكون متخصص بشغله انا متخصص بالوثائق والسجلات بالعامه ارشفه وبيانات العسكر الي يقدمون للاحوال انا اعبي الورقه دوام حلو وراحه اذا خلصت اول باول


تداوم رسمي بثوب وشماغ ودوامك من الاحد للخميس / جمعه وسبت اجازه


بصراحه فيها تعقيدات الوكاله نفسها ماهي عارفه وش لنا وش علينا بدلات ضعيفه جدا


لاكن للامانه ماهم مقصرين قاعدين يطالبون لنا


التعيينات : بصراحه هم قالوا كل واحد بديرته بس طلع كلام وعكسوا كل شي الي من الجوف حطوه بتبوك والعكس الي من تبوك حطوه بالجوف كذا وناس تعينوا بالجنوب وهم من الشمال والي من الشمال تعينوا بالجنوب


الدورات الداخليه مظلومين فيها خطط الدورات ياخذوونها المدنيين قبلنا وننحرم وننحرم منها

وعندك الدوام الخارجي بس للامدنيين العسكر للحين ننتظر موافقت الاحوال
بصراحه الراتب ضعيف جدا لو انك بشركه ماكان راتبك كذا القطاعات الاخرى دوره قليله وراتب قوي اقل شي العسكري الجندي 7 او 6900 لاكن الحمدالله ع كل حال وانا قاعد اكمل جامعه من اخلص راح اقدم فصل بسبب الراتب الضعيف


اتمنى افدكم واقسم بالله كلامي سليم وصادق بما تكلمت به

والي حاب يتواصل ع شان يتاكد راح اتواصل معه


تحياتي لكم وتقديري والله يكتب الي به الخير

اخوكم راضي الرويلي