مرحبا يابنات ياحلوين توني انتبه للموضوع وتسلم يدينك يالمليارديره
طبعا انا متخرجه من الثانويه وتخرجت بالطقاق والحرب والحريب والدف والدفيف>>حشا
جلست الله يسلمكم في الثانويه 6سنوااااااااات<<<الله يفشلك اسكتي
مانيب راعيه دراسه بتاتا البتا<<عجبتها الكلمه
ونسبتي تفشل يعني الجامعه قايلتلي لاتعتبين علينا بس انا اشوف نفسي اني شغيله
يعني بالوظيفه راح امشي<<اكيد عشان الفلوس هاااااااااه!!!لكن بالدراسه مستحيييييل
حتى فيه وحده تقربلي هي ماشاءالله موظفه كل ماخذت جابتلي اوراق من دوامها يبلها
شغل ازينها وارتبها لها حسب المطلوب وترجع تاخذها وحتى مااخذ وقت فيها لاني من النوع
اللي اذا مسكت شي لازم اخلصه..قهر انا اشتغل وهي تستلم الراتب..
الزبده انا في الدراسه اغبى الاغبياء لكن في اي شي ثاني تلاقيني ناطه مثل ابليس
من هواياتي...احس اني احب المشاكل شوي و24ساعه ابربر في ذا التلفون
طبعا في الاخير اهلي حامت كبدهم مني وزوجوني لان مامني لاشفع ولانفع
وانا حاليا متزوجه لي سنه تقريبا والله يصبر زوجي علي السنين اللي جايه لاني غاثته شوي مسكين ماغير اتسدح وافحط في هالشقه لاشغل ولا مشغله
معليش طولت عليكم بهذره مامنها سنع وتصبحون على خير لان وراي بكره تصليح فطور
واحسن شي اسويه بالفطور قيمات على شكل ارانب!!!!!!!!!!!