بـ النسبه للي يسآل عن الحرس او المباحث .. اقول تعال الحرس بدون تفكير ..

فيها ميزات ماليه كثيرهـ وراحه في العمل ..

وبـ النسبه للي يسآل عن الراتب .. وانت طالب يعطونك [ 7500 ] للحين ما استلمتها انا

بس جانا البنك وفتح لنا حسابات وكل شيء ..

وبـ النسبه للآمن والحمايه انا تخصصي سائق .. لازم اخذ دورهـ الآمن والحمايه لآنها الزاميه على عموم الحرس

والحرس الملكي بشكل عام ما عندهـ عمل زي القطاعات العسكريه الثانيه ..

وفيه ميزات ماليه كثيرهـ ..

مثلاً ..

ببتزوج تقدم عليهم يعطونك 20 الف .. بشرط تكون الزوجه الآولى

في عيد الفطر يعطونك 3000 ريال

اذا كان تعيينك بـ الرياض كل 6 شهور تروح انتداب لـ جدهـ

وفيها فلوس ..

يعني الحمد لله الحرس الملكي افضل قطاع عسكري .. الي ينقبل فيه يحمد الله ويتمسك فيه بيدينه ورجولهـ

اما بـ النسبه لـ الدورهـ بـ اشرح لكم بـ التفصيل كل شيء ..

طبعاً اول ما تروح لهم اول يوم يتفشون شنطتك كلها يدورون معك ممنوعات وكذا ..

بعدها ياخذونك ع السكن تحط قشك واغراضك ..

طبعاً ببتعب معاهم اول ثلاث ايام بعدها خلاص تتعود على كل شيء

النظام كـ التالي ..

يصحونك قبل صلاهـ الفجر بـ نصف ساعه .. تقوم تغسل وتوضي وتلبس وتتجهز للصلاه كل هذا بـ عشر دقايق

طبعاً هم يقولون عشر دقايق بس يخلونك حدود ثلث ساعه ..

طبعاً يكون في زحمه ع دورات المياهـ وانتوا بكرامه فـ ي دوب تخللص ..

اول ما تلبس ترجع وتشد سريرك وترتبهـ .. وتطلعون من السكن .. في حاجه اسمها [ تشكيل ]

يعني بـ العربي طوابير كل طابور فيه 6 اشخاص .. ياخذ عددكم وبعدها تمشون تروحون للمصلى

تصلون الفجر .. ع طول تاخذون حصه صباحيه يـ اما هرولهـ .. يـ اما مشاهـ ..

وكلها 45 دقيقهـ بعدها ياخذونك ع الميز .. وتتفطر .. وبعد كذا ترجع تاخذ حصه ثانيهـ ..

ويخلونك بـ الشمس عشان يقلب لونك .. تقعد لين اساع 11 ..

بعدها يودونك للميز وقت الغداء .. ومن هناك ترجع للسكن تررريح لحد العصر

وبعد العصر في حصه لياقه للمغرب .. وبعد المغرب تروح تتعشى ..

وبعدها تصلون العشاء ونووووووووووووووووم ..

طبعأً مو دايماً احياناً يكون عندك بـ جدولك فيه جزا وانت ما سويت شيء

فيآخرونك ما تنام .. او ما يخلونك ترتاح الظهر

كل شيء بـ امر .. تشرب مويه بـ امر .. تروح دورهـ المياهـ بـ امر ..

اي تدخل تاكل بدون ما تغسل يدك وتطلع بدون ما تغسل تغسل اذا وصلت السكن وتشرب ف السكن


اول اسبوعين كذا ..

بعد كذا يخفون عليكم خلاص .. تصير حصه وحده هروله قبل الفطور وبعدها تدخل حصص تعليميه

تدرسون دراسه .. اشياء بسيطهـ مرررره تجلس بـ الحصص هذي لحد اساع 11 ونص الظهر

وبعدها نفس الجدول السابق ..

جميع دورات الحرس ما تكمل 45 يوم .. ع 22 يوم وكذا

الدورات الي كانت معي طلعوهم بعد 3 اسابيع الفصيل حقي فقط هو الي كمل 32 يوم ..

عشانا محضرين بعدهم بـ اسبوعين .. ف طلعوها من عيونا ..