اقتباس:
انا استلمت المقطوعه العام 1\2
متى اقدم عليها وكم تاخذ تقريبا عشان تنزل لي
وكيف لازم اروح اقدم الاوراق ولا تلقائي يتم تسجيلي لانه لي لي مرتين استلمها وهذي
المرة الثالثه ارجوا مساعدتي والرد علي جميع استفساراتي ولكم مني جزيل الشكر والله
يعطيكم العافيه ..........
|
اقتباس:
مراحب أختي ابرد لك باللي أعرفه
أختي يتم صرف المساعدة المقطوعة كل عامين لمن لديه دخل إضافي غير معاش الضمان يعني لك تقاعد أو تأمين ماتاخذينها كل سنه مثل أول ماعدا الأرملة والمطلقة اللي عندهم عيال ومسؤلات عنهم هذولا يقدمون عليها كل سنة
ولازم اللي تقدم تروح بنفسها ومعها البطاقة ومعرفها ابوك أخوك اهم شيء يعرفك ولو لك هوية وطنية تخصك عادي ماتحتاجين معرف..
ربي يوفقك ويسهل امرك
|
اقتباس:
السلام عليكم
حياك الله
الله يعطيك العافيه ويجزاك خير
تأكدي بارك الله فيك إننا جميع ما نهمل استفسار احد واحنا متعمدين .. يمكن يمر السؤال من غير ما ننتبه له وممكن ما تكون عندنا المعلومات الكافيه عن هالاستفسار فصعبه نخوض في شي ما نعرفه وبدال ما ننفعكم نضركم .. اتوقف ولا ارد احسن من اني ارد رد خاطئ
انتِ ما ذكرتِ هل تقدمين سنوي او كل سنتين
إذا تقصدين بالعام يعني السنه الي فاتت 1433/2/1
فإن كنتِ من الي يقدمون سنوي فالمفترض انك مقدمه من 1434/3/1 وكان الحين مستلمتها من زمان .. قدمي بعد العيد مباشره ولا تتأخرين
اما إن كنتِ من الي يقدمون كل سنتين فتقدمين بإذن الله 1435/3/1
لازم تقدمين في المكتب بنفسك كل مره .. ما تنزل من نفسها ولا فيه تقديم عن طريق النت
لما تقدمين تصيرين تدخلين على هالرابط وتستعلمين متى موعد صرفها لأنها صارت تبطي شوي اقل شي 6 شهور وتوصل 7 و8 شهور .. ايام 3 و4 شهور راحت
http://mosa-d-web.mosa-d.gov.sa/NonR...teExpHelp.aspx
الله يشرح صدرك وييسر امرك ويرزقك من واسع فضله
تحياتي لك
|
بارك الله فيكم
على أهتمامكم في الردود السريعـه
تحياتي للجميـع