اقتباس:
المشاركة الأصلية كتبت بواسطة اسباني الحجاز
الله يسعدك ويخليك لكل عين ترجيك
صح اخوي انها جهد وتعب . وان فترتك قصيره جدآ لكن هذا يدل ع انك شاب مكافح مشاءالله.. ولو انا في مكانك حستمر .بس المشكله هي في المسافه رايح وجاي 800كيلو
اتمنى لك السعاده والتوفيق في الدنيا والأخره
تقبل مروري المتواضع
|
المسافة تقريبا معقولة لكن الجهد روحه وجيه وتقطيع واتجاه للسوق وتحت الشمس من الصباح للمغرب واحيان ننتقل من سوق للثاني في نفس اليوم لان تصادف سوقين صباح وبعد العصر كلها تعطي ضغط كبير
فيه شغله حلوة وهي كبس التمور لكن مشكلتنا ان مافيه مصنع قريب
[IMG]http://forum.****.com/imgcache2/734542.gif[/IMG]
اضن التعليب والتغليف على 8 ريال حلو ان تشتري كمية ويجهزوها لك وعلى روقان تبيعها متى ما احتجت فلوس اما مسألة تجارة وارباح وجهد فهي صبها وردها تشتري من هنا وتتحمس والنتيجه يرجع راس المال والمصاريف فحاولت اجرب اشتري من صاحب سيارة كرتون للبيت وجلست اسولف معاه عن البيع ومدحه وقال خذ وجرب قلت بيني وبين نفسي يبغى يبيع علي لكن وش ورانا خل نجرب بكم كرتون احسن لا نتورط مشاوير ثم النتيجه مثل اخواتها فاخذت منه 10 او 12 كرتون ولما وصلت البيت ذقت التمر طلع تمام وحكيت راسي قلت خل امر على الاقارب وسلام كيف الحال هذا هديه لان شكلها مضحك ان اسفط بكم كرتون والمحلات يجوها الموزعين بالجمله فالتمور ما جربت معاها كثير والمناطق الثانية تسبقنا في الانتاج وصاروا يوجهون انتاجهم خاصة في السنوات الاخيرة مع تقدم شهر رمضان عن موعد القطف وبعض المزارعين يرفض ان يبيع الانتاج الا بعدما يستوي الا واحد مريته ووراني مزرعته وبعدما اتفقنا على السعر قال هذي النخلة بتكون للبيت والنخلتين هذي يبغوها الاولاد وهذي قسبه وهذي برنيه برضه يحبوها اهل البيت وكل شوي يطلع نخله او مجموعه نخل لجدته وخالته قلت والسعف لمين اهم شي السعف عشان اضلل فيه الكرانيف الي ابيعها في السوق مشيت وهو وينادي هي يبو
هذا وادي زراعي قاعد يتدهور مع مرور الوقت بسبب اغراق الاسواق بمنتجات المناطق الثانية واتجاه اولاد المزارعين للوظائف مريت عليه وقت الانتاج كم يوم ولما شفته تعقد قلت خيره والسنه الجايه ملحوق عليه اذا لنا نصيب
طلعت برضه للمدينه مرتين وكانت الاسعار اعلى من الي الاسعار الي تباع عندنا بسبب زيادة المعروض قياس بالطلب وشكل مافيه حل الا ان اشتري من عندنا وارجعها لهم بمكاسب 
فالتجربه حلوه للي يريد يحقق مكاسب سريعه بداية الانتاج اما بعدما يتم اغراق السوق فمافيه مجال الا للتخزين والبيع على مهل بحسب الي يتوفر من حاجة السوق