عموما هي ارزاق موزعها ربي وصدقوني لو الواحد يعرف وش بالمستقبل ماراح يختار الا الي ربي مختاره له

اما الاخوان الي يقولون الظروف الماديه لك عليها ويبون وظيفه وسياره وزوجه

انا جامعي وحالتي الماديه الحمد لله ماني من عيال الهاي هاي مو اهايط وانا وانا بس والله يا اخوان كنت اشتغل براتب 1500 بائع (احذيه) وانتم بكرامه وهاذي هي مرت السنين وتخرجت وقدمت عسكريه ولا ربي كتبها لي والحين طالع اكمل ماستر والطموح فوق ان شاء الله انا مثلكم ابي اتزوج وابي وابي لاكن لا تحسب المجد تمراً أنت آكله لن تبلغ المجد حتى تلعق الصببرا

وانا ما اربط النجاح بالدراسه بس لا الطرق له واجد المهم الواحد لايجلس يقول ظروفي وظروفي تغلب عليها اتعب كافح اصبر وقبل كل شي تعلق بالله واطلبه وبأذن الله بتلقى الي يرضيك ويسرك
يا اخوان الواحد اذا عنده طموح والله بيوصل اما الي يحط اعذار وظروفه هذا ماراح ينجح تاكدو مافي شي يجي بالسهل بالصبر والطموح والكفاح بعد توفيق الله والله بتوصل الشي الي يرضيك خلك شخص راعي همه وطموح

وبالأخير هي ارزاق من ربي وراضين بالي يجيبه ربي