ما شاء الله .. جميل انك محدد رغبتك من الان ..

بخصوص استفساراتك ما قصروا الشباب الله يعطيهم العافية ..

لكن انا بانصحك نصيحة بما انك مقبل على مرحلة مهمة في حياتك .. الطموح و الرغبة و الوضوح امور رائعة لكن حاول قد ما تقدر انك ما تضيق خياراتك .. علشان ما تكرر غلطة كثير من الشباب كل سنة .. و كثير من المواقف اللي تتكرر كل سنة من الشباب بسبب هالشي و مشاهدة هنا بالمنتدى ..

تبغى ضابط .. قدم على كل الكليات العسكرية .. حتى لو رغبتك بكلية معينة .. لانك لو ما قدمت عالكليات الاخرى و ما انقبلت في الكلية اللي تبغاها ما حيكون قدامك خيار ثاني انك تكون ضابط .. وبكذا فوّت على نفسك فرص منت خسران شي اذا اقدمت عليها ..

تبغى جامعة .. قدم على نفس التخصص في كل الجامعات و على اكثر من تخصص تميل لهم في نفس الجامعة ..
وحاول انك تقدم على الجامعة حتى لو انت تبي عسكرية وما تبي غيرها وما تفرط فيها ابداً حتى تضمن مقعدك في مكان ثاني .. حتى ما تضيع سنة من عمرك محسوبة عليك لو ما انقبلت عسكري .. بتسمع ناس تقول لك ما تقدر تسحب شهادتك من الجامعة لانه مختوم عليها وكلام فاضي .. تقدر تسحبها بس تحتاج شوية اجراءات ما تاخذ منك وقت ..


الكلام هذا اقوله لك لانه ما انقال لي و لا الشباب اللي معي .. و عايشته و شفته بنفسي و ما ابيه يتكرر مع الشباب اللي بعدي ..

الله يوفقك ونشوف النجوم تلق على اكتافك ..