السلام عليكم حياك الله في البدايه اسأل الله بمنه وكرمه ما دمتِ تريدين الزواج أن يحقق لك ما تتمنين بزوج صالح يحترمك ويقدرك ويرزقك منه الذريه الصالحه ويسعدك ببرهم وصلاحهم يارب ليش يا حياتي الزعل والقلق .. لساك تعتبرين صغيره الله يمتعك بشبابك وصحتك .. خلي ثقتك بالله قويه وربك بيسهلها والاعضاء ما قصروا بالنصايح الله يجزاهم خير . بكل صراحه ما عمر الزواج كان مصدر سعاده للمرأه او الرجل الله من حرمه متزوجه وعايشه حياتها بهم ونكد ما يعلم فيه الا الله وتندمت على انها قبلت تتزوج ونفس الشي الرجال . فيه نساء ما تزوجن برغبتهن الشخصية وماشين عال العال وما خذين حياتهن بالطول والعرض فليش نحصر السعاده في مجرد زوج وعيال نعم فيه من فاتها مثل ما يقولون القطار وكانت تتمنى يوقف في محطتها وياخذها معه لكن امر الله ولا راد لقضاءه . والله ان المرأة ما تعلم الخير محطوط لها وين فقد يكون الله اخّر زواجها لحكمه يريدها فليش القنوط والزعل وكأن الحياة توقفت بعدم الزواج الحياه فيها اشياء حلوه ممكن للمرأه تلهي نفسها فيها لو هي ارادت ولكن ما دامت سالفة الزواج مسيطره عليها فما راح تلقى للحياة طعم وبتشعر ان ابواب السعاده مقفله بوجهها الله عز وجل يقول : ( وعسى ان تكرهوا شيئاً وهو خير لكم وعسى ان تحبوا شيئاً وهو شر لكم والله يعلم وانتم لا تعلمون ) والله نتمنى لك كل الخير لكن كل السالفه تعتمد على تعاملك مع وضعك فإن ضيقتيها ضاقت وان وسعتيها وسعت يعني التوتر ما راح يجيب نتيجه .. كل الي تحتاجينه حسن الظن بربك وماعمره سبحانه رد طلّابه الله يسعد كل المتزوجين ويجعل ايامهم كلها افراح والي ما بعد تزوجوا الله يعجل بزواجهم ويطيّحهم في الصالحين من عباده ويسعدهم العذر والسموحه ان كنت جبت العيد تحياتي لك