المشاركة الأصلية كتبت بواسطة خريجةمتعطلة

انا معك عزيزتي قلبا وقالبا في نقطة توظيف الاقدمية وتدريب الحديثات للحصول على الخبرات المطلوبة ...

واذا انتي خريجة من ثلاث سنوات .. انا لي عشر سنوات .. لي خبرات بالقطاع الخاص " مدارس اهلية " لدرجة ان صار عندي اكتفاء ذاتي ونفسي وجسدي وبيلوجي وفسيولجي من شي اسمه تدريس ... كرهوني فيه واللي خلقني وخلقك ... وعزمت اترك القطاع الخاص واتكي بالبيت يا بيتي او وظيفة حكومية ... اعتقد ان الخاص استنفذ مني مجهود مافيه الكفاية ... تعالي شوفي ملف خبراتي ودوراتي قسم بالله تحزني .. انا ما اتعالى على احد بس من كثر غبنتي عليها احس ان قليل فيني المرتبة السادسة بعد كأني مثل اي وحدة مستجدة بمجال العمل ... لكن ارجع واقول احنا ياعزيزتي ضحايا قرارات ارتجالية غير مدروسة شرقت بنا وغربت ... ابرزها شرط الخبرة بدون فسح المجال للحصول عليها زي اللي يكتفونك ويرمونك بابحر ويقولوا يالله تعرفي تسبحي ؟!!

عزيزتي احنا بمجتمع توه بدا يلتفت للعنصر النسائي من سنتين تقريبا ... اول كنا مجرد تحصيل حاصل بالتوظيف ... لذلك عشمي بالله كبير ان يفرجها علينا عقب هالسنين كلها من التهميش والاهمال .... وياليت يتعلموا من اخطاءهم وماعاد يهمشوا احد لا جديد ولا قديم الكل عنده طموح والكل حاب يعطي والكل يبي يشتغل والكل متعلم ...

وعقب هالفضفضة ... عندي اقتراح .. صح انه بيكون هنا بالمنتدى ... بس لساني يحكني ودي اقوله ... ليش ما يربطون كل رقم جامعي برقم وظيفي ... يعني كل طالب وطالبة بمجرد تسجيلهم بالجامعة وحصولهم على رقم جامعي يحصلون كمان على رقم وظيفي اول ما يتخرج يتم تعيينه عليه ... لا خبراتي ولا خبراتك ولا تمر فيك السنين وتصير خريج قديم وعاطل ....

مع نفسي صح ؟


ادري