السلام عليكم ورحمة الله وبركاته
مثل ماهو مكتوب فـ العنوان
العد التنازلي بدا 
بس ثقتي بالله كبيره باذن الله ومتفائل جدااااا 
لكن لابد من الاخذ بالاسباب !!
سالفتي ومافيها
اني شخص سعودي من مدينة جده وناوي اتزوج باذن الله وخاطب فتاه سعوديه من فتره مو بسيطه
والموضوع بدا يصير ضدي اذا ماعجلت ولحقت وسويت ملكه ووو
المهم راتبي يااخوان 5 آلاف ريال واعمل في القطاع الخاص
رحت البنك بخصوص القرض قالولي نعطيك حول 92 الف وترجعها اقساط شهريه 1900 ريال
على 5 سنين والمشكله مبلغ البنك ابدا مايكفي لتغطية مشروع الزواج ..
قلت مو مشكله اخذ من البنك الـ 92 الف وبعد عقد النكاح اخذ الـ 45 الف من بنك التسليف
بس القسط 1914 + 750 راح يكون مرره عالي + 1500 بالقليييل ايجار شقه !!
خلص الراتب : )
واحد من الشباب قالي روح الحراج واتفق مع احدى المعارض على اساس انك تشتري
سياره اقساط بمبلغ وقدره وتبيعها كاش وهي واقفه ف المعرض وصاحب المعرض يعطيك
الكاش وانت تبدا تقسيط وبذي الطريقه النسبه راح تكون اقل من البنك + قسط اقل
بحثت عن الموضوع وشفت انو هذي الطريقه ربويه ف الغيت الفكره
والآن محتاااار جدا عن تدبير مبلغ فوق الـ 100 الف باقساط معقوله
حاولت اشوف وظيفه مسائيه بوقت جزئي وللاسف مالقيت
واذا لقيت لازم اكون بدون تامينات عشان يسجلوني
المطلوب// نصائحكم وخبراتكم في موضوعي !!
والله يجزاكم الف خير يارب
ولا تنسوني من دعواتكم ..
والسموحه من الاداره اذا كان مكان موضوع خطا .. لكم حرية التصرف ...