المشاركة الأصلية كتبت بواسطة بزنس مان

أولا الله يوفقك ويتمم أمورك على خير

ثانيا ابعد عن موضوع السيارات والمعارض يصلخونك بالفوائد ... البنك أقل بكثير منهم

ثالثا أمامك خيارين :-

1- تاخذ قرض من البنك وقرض من بنك التسليف وتسوي عرس وتنبسط ، لكن تعيش حياتك مهموم ومكدر وديون وراتبك ما يصفى منه الا حق فاتورة جوالك

2- تاخذ قرض بنك التسليف تمشي امور عقد الزواج والمهر أو الامور اللي محتاج تضبطها للزواج وتخلي الزواج السنة الجاية تكون وفرت من راتبك لو كل شهر 3000 ريال 36000 تستاجر بها قصر ب 12000 و 24000 تمشي بها بقية الاغراض

صحيح انها ما تكفي .. لكن مد رجولك على قد لحافك ... وأهم شي بكره بعد ما تتزوج تقدر تصرف على بيتك ماهو راتبك كله رايح اقساط وتعيش الحرمة بجوع ولا تقدر تسدد فواتيرك ومصاريفك وجايك أطفالك ومصاريف

خلك على قرض بنك التسليف وتمم الخطبة وأجل الزواج سنه ووفر من راتبك لو تقدر 4000 ريال الان انت عزوبي وما عندك مصاريف وتعيش حياتك مرتاح